16:03 18 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
Գագիկ Սիմոնյան. «Ուլիս» ակումբի մարզիչ

Գագիկ Սիմոնյանն արդարացվեց. փորձառու ֆուտբոլիստն ու մարզիչը նորից կզբաղվի ֆուտբոլով

© Sputnik / Asatur Yesayants.
Հեղինակներ
Ստանալ կարճ հղումը
Խաչիկ Չախոյան
803 0 0

2015 թվականին «Ուլիս» ֆուտբոլային ակումբի գլխավոր մարզիչ Գագիկ Սիմոնյանը «խաղերի վաճառքի» մեջ մեղադրվեց ու ձերբակալվեց: Երեք ու կես տարի անց՝ 2019 թվականի մայիսի 24-ին, նախկինում հայտնի ֆուտբոլիստն ու մարզիչն արդարացվեց ու կարող է շարունակել իր գործունեությունը:

«Ուլիս» ֆուտբոլային ակումբը 2015 թվականին անցկացրեց իր վերջին մրցաշրջանը Հայաստանի բարձրագույն խմբի առաջնություններում: Թիմը զբաղեցրեց երկրորդ տեղն ու հետո, հայտնվելով աղմկահարույց սկանդալի մեջ, լուծարվեց: Ակումբի որոշ ֆուտբոլիստներ ու մարզիչներ մեղադրվեցին «խաղի վաճառքի» մեջ, իսկ թիմի գլխավոր մարզիչ Գագիկ Սիմոնյանը 2015-ի դեկտեմբերին ձերբակալվեց ու կես տարի ազատազրկման մեջ էր:

Անկասկած, սա հարված էր հայկական ֆուտբոլին: Ոմանք համոզված էին, որ այս չարագույժ երևույթը ներխուժել է հակական ֆուտբոլ: Ոմանք էլ չէին հավատում, որ նման բան հնարավոր է մեր առաջնություններում: Անկեղծ ասած՝ ծուխն առանց կրակ չի լինում: Եվ կային բազմաթիվ փաստեր, որոնք մատնանշում էին այս անընդունելի երևույթի առկայությունը հայկական ֆուտբոլում: Բայց արդյո՞ք պատժվեցին մեղավորները: Այս հարցին միանշանակ պատասխանելը դժվար է: Անձամբ ես այն ժամանակ չէի հավատում, որ Գագիկ Սիմոնյանը կարող էր նման գործերի մեջ ներքաշված լինել: Իսկ հիմա շատ ուրախ եմ, որ չէի սխալվել:

«Ուլիսում» աշխատելու ընթացքում շատ լավ ճանաչել ու ճանաչում եմ Սիմոնյանի մարդ տեսակն ու հիմա, իմանալով նրա արդարացման մասին, պարզապես կարող եմ հպարտանալ նրա տոկունությամբ.«Ես երեք ու կես տարի հայտնվել էի այնպիսի վիճակում, որ ոչ մեկին չեմ ցանկանա այդ ապրումները: Հայելուն նայելով ինձ չէի ճանաչում, կարծես ծերացել էի: Չէի հավատում, որ խարդախի պիտակ է ինձ հատկացված ֆուտբոլում, որին իմ ամբողջ գիտակցական կյանքս եմ տվել»- ասեց Սիմոնյանը Sputnik Արմենիայի հետ զրույցում:

Ֆուտբոլի Հայաստանի ֆեդերացիայի գործկոմը այս տարվա մայիսի 24-ին արդարացրեց «Ուլիսի» նախկին մարզչին, ու նա կարող է շարունակել աշխատել ֆուտբոլում, իհարկե եթե ուզենա. «Ես ուզում եմ ու աշխատելու եմ ֆուտբոլում: Այլ տեղ ինձ չեմ էլ պատկերացնում: ՀՖՖ գործկոմի որոշումը ինձ կյանք ու հպարտություն է տվել: Ընտանիքս նորից խաղաղվել է, ընկերներս իմ նման հաղթանակ են տոնում: Վերջապես կարողացա ապացուցել բոլորին, որ ես անմեղ եմ, չնայած գիտեմ, որ երեք տարի առաջ շատ քիչ մարդիկ էին ինձ հավատում»- ասեց Սիմոնյանը:

Ապագա աշխատանքի մասին խոսելիս տեղեկացանք, որ Սիմոնյանն արդեն առաջարկ ունի և շատ շուտով կարող է մարզել բարձրագույն խմբերից մեկը: Իհարկե սա շատ կարևոր կլինի նրա համար: Բայց առավել կարևոր է այն, որ արդարությունը գերակշռեց ու նախկին մարզիչը շատ շուտով կարող է իր մասնագիտական գործնեության ընթացքում ազատվել նախկին բառից ու նպաստել իր գիտելիքներով հայկական ֆուտբոլին:

Ըստ թեմայի

Արթուր Ալեքսանյանը նվաճեց Ոսկե գավաթը
Եվս 3 ոսկի. հայ մարմնամարզիկը մեդալների կապոցով է Հայաստան վերադառնալու
Մխիթարյանի երկրպագուները կուզեին նրա հետևից Բաքու գնալ․ ի՞նչն է տխրեցրել Առուստամյանին
ՈւԵՖԱ-ի նախագահն անդրադարձել է Հենրիխ Մխիթարյանի հետ կապված սկանդալին
թեգերը:
Հայաստան, ՀՖՖ, ֆուտբոլ, սպորտ

Գլխավոր թեմաներ