21:25 27 հունիսի 2017
Ուղիղ եթեր
Дом правительства РФ

ՌԴ կառավարությունը հավանություն է տվել Հայաստանի հետ միջուկային անվտանգության մասին համաձայնագրին

© Sputnik/ Сергей Субботин
Տնտեսություն
Ստանալ կարճ հղումը
11 0 0

Հայաստանի հետ միջկառավարական համաձայնագրի նախագիծը համաձայնեցվել է ՌԴ ԱԳՆ–ի և գործադիր իշխանության այլ շահագրգիռ դաշնային մարմինների հետ, նախօրոք մշակվել է հայկական կողմի հետ համատեղ։

ԵՐԵՎԱՆ, հուլիսի 6–Sputnik. ՌԴ կառավարությունը հավանություն է տվել Հայաստանի հետ միջկառավարական համաձայնագրի նախագծին` միջուկային վթարի արագ ծանուցման և միջուկային ու ճառագայթային անվտանգության ոլորտում տեղեկատվության փոխանակման մասին, ասված է ՌԴ կառավարության կարգադրությունում, որը երկուշաբթի հրապարակվել է իրավական տեղեկատվության պաշտոնական կայքում, հաղորդում է «ՌԻԱ Նովոստին»։

Միջուկային և ճառագայթային անվտանգության ոլորտում երկրների միջև փոխադարձ ծանուցումը, այդ թվում` միջուկային արտակարգ իրավիճակների դեպքում, ընդունված համաշխարհային փորձ է։

«Ռոսատոմ» պետական կորպորացիայի ներկայացրած միջկառավարական համաձայնագրի նախագիծը համաձայնեցվել է ՌԴ ԱԳՆ և գործադիր իշխանության այլ շահագրգիռ դաշնային մարմինների հետ, ինչպես նաև նախօրոք մշակվել է հայկական կողմի հետ միասին։

Կառավարության կարգադրությամբ` Ռոսատոմին հանձնարարվել է ԱԳՆ հետ համատեղ բանակցություններ անցկացնել հայկական կողմի հետ և պայմանավորվածություն ձեռք բերելուց հետո համաձայնագիր ստորագրել ռուսական կառավարության անունից։

Հայկական ԱԷԿ-ը, որը տարածաշրջանի միակ ատոմակայանն է, տեղակայված է Երևանից 30 կմ դեպի հարավ: Այն շահագործման է հանձնվել 1980թ.-ին և  գործունեությունը դադարեցրել է 1989թ.-ի մարտին` 1988թ.-ի դեկտեմբերին տեղի ունեցած Սպիտակի երկրաշարժից հետո: ԱԷԿ-ը վերագործարկվել է 1995թ.-ի նոյեմբերին հանրապետությունում գրանցված սուր էներգետիկ ճգնաժամի պատճառով: Փորձագետների գնահատմամբ՝ ԱԷԿ-ը կարող է գործել մինչև 2016թ.-ը, սակայն ԵՄ-ն պնդում է, որ ԱԷԿ-ի աշխատանքները պետք է դադարեցվեն։

2013 թվականի սեպտեմբերի 3–ին ՌԴ նախագահ Վլադիմիր Պուտինն իր հայ գործընկեր Սերժ Սարգսյանի հետ բանակցությունների արդյունքներով հայտարարել էր, որ Ռոսատոմը հայ արտահանողների հետ համատեղ պայմանավորվել է աշխատել Հայկական ԱԷԿ–ի գործող էներգաբլոկի շահագործման ժամկետը 10 տարով` մինչև 2026 թվականը, երկարացնելու նախագծի իրագործման ուղղությամբ։

Գլխավոր թեմաներ