Հայկական մրգի և բանջարեղենի արտահանման առյուծի բաժինն ընկնում է ՌԴ–ին

ԵՐԵՎԱՆ, 22 հուլիսի – Sputnik. Այսօր Ռուսաստանին բաժին է ընկնում Հայաստանից արտահանվող մրգի և բանջարեղենի շուրջ 82 տոկոսը, չորեքշաբթի լրագրողներին ասաց ՀՀ գյուղնախարարի տեղակալ Ռոբերտ Մակարյանը։

«2015 թվականի սկզբից ի վեր Հայաստանից Ռուսաստանն է արտահանվել 38 հազար տոննա միրգ և բանջարեղեն»,– ասաց մակարյանը։

Նրա տվյալով` տարեսկզբից ի վեր ընդհանուր առմամբ արտահանվել է շուրջ 46.5 հազար տոննա միրգ և բանջարեղեն, 2014 թվականին այդ ցուցանիշը 27.5 հազար տոննա է կազմել։

Մակարյանը նշեց, որ ընթացիկ տարում արտահանման ծավալի աճը պայմանավորված է բարձր բերքատվությամբ, ինչպես նաև` ԵՏՄ–ին անդամակցելու արդյունքում մատակարարումների դյուրացմամբ։

«ԵՏՄ–ին անդամակցելուց հետո արտահանման գործընթացը զգալիորեն հեշտացավ։ Այս տարի շատ ֆերմերներ առաջին անգամ ոչ մեծ ծավալով (1.2 տոննա) արտադրանք արտահանեցին, մասնավորապես` ռուսական շուկա»,– ասաց փոխնախարարը։