04:14 23 հոկտեմբերի 2020
Ուղիղ եթեր
  • USD494.31
  • GBP647.00
  • EUR584.77
  • RUB6.42
Տնտեսություն
Ստանալ կարճ հղումը
41011

Հայաստանում արտադրված 10 ոչ ալկոհոլային խմիչքներից 7–ում հայտնաբերվել են վտանգավոր նյութեր։ Այս ըմպելիքներն առայժմ անարգել վաճառվում են հայաստանյան վաճառակետերում։ Դրանց հետագա ճակատագիրը կորոշվի 2 օրից։

ԵՐԵՎԱՆ, 12 հուլիսի-Sputnik, Նելլի Դանիելյան. Հայաստանի սպառողների միությունն ուսումնասիրություններ է իրականացրել ՀՀ զովացուցիչ ըմպելիքների շուկայում, որի շրջանակում նաև լաբորատոր փորձաքննության է ենթարկել դրանցից 10-ը։ Միության նախագահ Արմեն Պողոսյանի խոսքով` փորձաքննության արդյունքները ցույց են տվել, որ 10 ըմպելիքից 7-ը պիտանի չէ սննդի մեջ օգտագործելու համար։

«Մեր նախաձեռնությամբ 10 տարբեր արտադրողների արտադրանք ենք փորձաքննության տվել»,-Sputnik Արմենիային հայտնեց Արմեն Պողոսյանը` հավելելով, որ փորձաքննության արդյունքները ներկայացրել է ՀՀ ԳՆ Սննդի անվտանգության պետական ծառայություն, որտեղ առաջիկայում պատրաստվում են քննարկում հրավիրել ու, նրա խոսքով. «այդ արտադրողները պետք է գան ՍՊԱԾ ու պատասխան տան իրենց գործողությունների համար»։

ՍԱՊԾ պետի մամուլի քարտուղար Նվարդ Առաքելյանը Sputnik Արմենիայի հետ զրույցում հաստատեց այդ տեղեկությունը` միաժամանակ հայտնելով, որ Հայաստանի սպառողների միության ու արտադրողների հետ համատեղ քննարկումը նախանշված է հուլիսի 14-ին։

«Ոչ ալկոհոլային խմիչքներ արտադրողներին հրավիրել ենք ՍԱՊԾ` բացթողումները հասկանալու և հանձնարարականներ տալու համար»,-ասաց Նվարդ Առաքելյանը։

Նրա խոսքով` քննարկման ընթացքում փորձ է արվելու խնդիրը դիտարկել համակարգային տեսակետից։

Քննարկումից հետո կներկայացվի սննդի մեջ ոչ պիտանի ըմպելիքների ցանկը։

Գլխավոր թեմաներ