ԵՐԵՎԱՆ, 23 դեկտեմբերի — Sputnik. Տնային տնտեսությունների համար հոսանքի ցերեկային սակագինը կլինի 44.98 դրամ (նվազում 2.6%-ով) գիշերային սակագին՝ 34.98: Սոցիալապես անապահով ընտանիքների համար կգործի ավելի ցածր սակագին. ցերեկայինը՝ 40 դրամ (13.4%-ով նվազում), գիշերայինը՝ 30:
Խոշոր բաժանորդների համար, 110 կվ լարման պարագայում, ցերեկային սակագինը` 33.48 դրամ (նվազում 3.5%-ով), գիշերայինը՝ 29.48:
35 կՎ լարման բաժանորդների համար ցերեկային սակագինը կկազմի 35.98 դրամ (նվազում 3.3%-ով), գիշերայինը՝ 31.98:
6(10) կՎ-ի բաժանորդների համար ցերեկային սակագինը կլինի 41.98 դրամ (2.8%-ով նվազում), գիշերային սակագինը՝ 31.98 դրամ:
