ԵՐԵՎԱՆ, 15 հունվարի — Sputnik. «Արդշինբանկ» ՓԲԸ-ն և «Առէկսիմբանկ-Գազպրոմբանկի խումբ» ՓԲԸ-ն միանալու վերաբերյալ որոշում են կայացրել և միացման պայմանագիր են կնքել: Այս մասին հայտնում է Հայաստանի Կենտրոնական բանկը:
ՀՀ կենտրոնական բանկի խորհուրդը հաստատել և գրանցել է «Արդշինբանկ» ՓԲԸ-ն (Պահպանվող բանկ) և «Առէկսիմբանկ-Գազպրոմբանկի խումբ» ՓԲԸ-ի (Միացող բանկ) միացման պայմանագիրը:
Արդյունքում «Առէկսիմբանկ-Գազպրոմբանկի խումբ» ՓԲԸ-ի գործունեությունը կդադարի, իսկ «Արդշինբանկ» ՓԲԸ-ն կհանդիսանա «Առէկսիմբանկ-Գազպրոմբանկի խումբ» ՓԲԸ-ի իրավահաջորդը:
Գործարքի արդյունքում «Արդշինբանկի» կապիտալը կկազմի 14 միլիարդ դրամ, ակտիվները՝ 540 միլիարդ դրամ, իսկ ցանցը կունենա 72 մասնաճյուղ: Այն կդառնա Հայաստանի ամենախոշոր կապիտալ, ակտիվներ ու մասնաճյուղեր ունեցող բանկը Հայաստանում:
