05:17 13 դեկտեմբերի 2017
Ուղիղ եթեր
Գյուղատնտեսություն

«Ռոստսելմաշ». մշակվում է Հայաստանի ագրոպարկի արդիականացման ծրագիր

© Sputnik/ Виталий Тимкив
Տնտեսություն
Ստանալ կարճ հղումը
4410

«Ռոստսելմաշը» պատրաստ է մեծացնել գյուղատնտեսական տեխնիկայի մատակարարումը Հայաստանի ագրոպարկի արդիականացման հեռանկարային ծրագրի շրջանակներում։

ԵՐԵՎԱՆ, 19 մայիսի — Sputnik. «Ռոստսելմաշն» ուսումնասիրում է ագրոպարկի արդիականացման համար դեպի Հայաստան տեխնիկայի մի քանի հարյուր միավորի մատակարարման հնարավորությունը, հայտնում է ՌԻԱ Նովոստին` հղում անելով «Ռոստսելմաշ» գործարանի համահիմնադիր Կոնստանտին Բաբկինին։

Ավելի վաղ ՌԴ-ում Հայաստանի դեսպան Վարդան Տողանյանը հայտնել էր, որ հանրապետության գյուղատնտեսական տեխնիկայի պարկի շուրջ 95%-ը թարմացնելու կարիք ունի։ Նրա խոսքով` Հայաստանը կցանկանար արդիականացնել գյուղատնտեսական տեխնիկայի պարկը «Ռոստսելմաշի» արտադրանքի հաշվին և ավելի համակարգված կառուցել իր հարաբերությունները գործարանի հետ։

««Ռոստսելմաշն» առաջին տարին չէ, որ գյուղտեխնիկա է մատակարարում Հայաստանի ֆերմերներին, ընկերությունը մասնակցեց Հայաստանի ագրոպարկի արդիականացման հեռանկարային ծրագրի նախապատրաստմանը, որը տեխնիկայի մի քանի հարյուր միավորի մատակարարում է ենթադրում։ Ներկա պահին իրականացվում է տվյալ ծրագրի իրականացման հավանական ուղիների մշակումը», — բացատրեց Բաբկինը։

Ընդ որում, նա նշել է, որ մատակարարման ժամկետների և կոնկրետ ծավալների մասին կարելի կլինի խոսել ծրագրի իրականացման ճանապարհների մշակումն ավարտելուց հետո։

«Ռոստսելմաշն» ընկերությունների խումբ է, որի կազմում ընդգրկված է Rostselmash, Versatile, Farm King, Buhler ապրանքանիշերի տեխնիկա արտադրող 13 ձեռնարկություն։ Ռուսաստանի, ԱՄՆ-ի և ԵՄ-ի համար ագրոբիզնեսի մեքենաների և սարքավորումների ամբողջական շարք են արտադրում։ Ընկերության արտադրանքը ներառում է տեխնիկայի 24 տեսակի ավելի քան 150 մոդել և մոդիֆիկացիա։

Русская версия

Գլխավոր թեմաներ