20:29 31 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Տնտեսություն
Ստանալ կարճ հղումը
57130

Հանրային սննդի ոլորտի տնտեսվարողները չեն գրանցել աշխատողների մի մասին։

ԵՐԵՎԱՆ, 26 հունիսի — Sputnik. Պետական եկամուտների կոմիտեն 3 դեպքով բացահայտել է 76 չգրանցված աշխատողի։

Ինչպես տեղեկացնում է ՊԵԿ տեղեկատվության և հասարակայնության հետ կապերի բաժինը, Պետական եկամուտների կոմիտեի փոքր հարկ վճարողների հարկային տեսչությունը չգրանցված աշխատողներ է բացահայտել հանրային սննդի ոլորտում գործող տնտեսվարողների մոտ:

«ՆԻԿՎԻՆ» ՍՊԸ-ն Կոտայքի մարզի Արամուս գյուղի մերձակայքում իրականացնում է միաժամանակ 2 գործունեություն հանրային սննդի և տաքսի ծառայության մատուցում: Արտոնագրային հարկ վճարող համարվելու վերաբերյալ հայտարարությունում ընկերությունը նշել է 215մ2 մակերեսով սպասարկման տարածք և 8-9 մեքենա, սակայն 2018թ. մայիսին հայտարարագրել է վարձու աշխատողների ակնհայտ քիչ թվաքանակ ընդամենը 23 հոգի: «Տնտեսվարողը 17 վարձու աշխատողի հետ չի կնքել պայմանագիր և հարկային մարմին նախապես չի ներկայացրել գրանցման հայտ»,-նշել է ՊԵԿ փոքր հարկ վճարողների հարկային տեսչություն-վարչության ստուգումների թիվ 5 բաժնի պետ Գեղամ Սարմազյանը` հավելելով, որ տնտեսվարողի մոտ իրականացվել է թեմատիկ ստուգում և առաջադրվել տուգանք 10 մլն 200 հազար դրամ:

Չգրանցված վարձու աշխատողների առկայության ռիսկը հիմնավորվել է նաև Երևանի Աբովյան 8 հասցեում հանրային սննդի գործունեությամբ զբաղվող «ԷՓՐԻՔՈԹ ՓՐՈՋԵՔԹ» ՍՊԸ-ի  պարագայում: Ընկերությանը պատկանող «Ոստան» ռեստորանային համալիրում ստուգումների 15-րդ բաժնի իրականացրած ստուգման ժամանակ կազմակերպությունում փաստացի աշխատում էին 36 վարձու աշխատակից, սակայն ՀՀ օրենսդրությամբ սահմանված կարգով հայտեր ներկայացված էին ընդամենը 8 հոգու համար, 28-ի պարագայում հայտերը բացակայում էին: Այսպիսով, ընկերությանը լրացուցիչ պետական բյուջե վճարման ենթակա գումար է առաջադրվել 16 միլիոն 800 հազար դրամ:

КГД выявил случаи уклоненя от налогов в сфере общепита
© Photo : press office of the Tax Service of RA
Հանրային սննդի կետեր

Փոքր հարկ վճարողների հարկային տեսչություն-վարչության ստուգումների թիվ 9 բաժինը Արարատի մարզի Դիտակ համայնքում հանրային սննդի օբյեկտ հանդիսացող «Հրաշք այգի» ՍՊԸ-ում իրականացրած ստուգման արդյունքում հայտնաբերել և արձանագրել է 31 չգրանցված վարձու աշխատող: «Դա նախատեսում է տուգանք 18 միլիոն 600 հազար դրամի չափով, իսկ արձանագրված ՀԴՄ շահագործման կանոնների խախտումը նախատեսում է տուգանք` 150 հազար դրամի չափով: Ընդհանուր տուգանքը կկազմի 18 մլն 750 հազար դրամ»,-տեղեկացրել է ՊԵԿ փոքր հարկ վճարողների հարկային տեսչություն-վարչության ստուգումների թիվ 9 բաժնի պետ Հովհաննես Առաքելյանը:

Ստուգումները դեռ շարունակվում են. վերջնական արդյունքները կամփոփվեն ստուգման ավարտից հետո ստուգման ակտում:

Ըստ թեմայի

ԱԱԾ-ն ցանկացել է հարցաքննել նաև ՊԵԿ նախկին նախագահին, բայց նա երկրից հեռացել է. «Ժամանակ»
Հայաստանի ՊԵԿ նախկին ղեկավարը «չի փախել». Անանյանը հեռախոսակապի մեջ է Հարությունյանի հետ
Հայաստանի հանքերը նորմալ չեն վճարել հարկերը, բացի մեկից. ՊԵԿ պետի տեղակալ
«Ալեքս Հոլդինգը» միլիոնների չարաշահում է կատարել` համագործակցելով ՊԵԿ ղեկավարության հետ
թեգերը:
Հայաստան

Գլխավոր թեմաներ