09:24 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Փայլաթիթեղի արտադրություն

Ռուսաստանի նկատմամբ կիրառվող ամերիկյան պատժամիջոցներն արդեն ազդել են Հայաստանի վրա

© Photo : press office of Rusal Armenal
Տնտեսություն
Ստանալ կարճ հղումը
289 0 0

Հայկական փայլաթիթեղի մուտքն ԱՄՆ արգելվել է։ ՀՀ կառավարությունը փորձում է բացել փակ դուռը։ Մանրամասները ներկայացրել է Արծվիկ Մինասյանը։

ԵՐԵՎԱՆ, 3 սեպտեմբերի — Sputnik. Ռուսաստանի դեմ կիրառած ամերիկյան հերթական պատժամիջոցները, որոնք ուժի մեջ են մտել օգոստոսի 22-ից, արդեն իսկ որոշակի ազդեցություն են ունեցել նաև Հայաստանի տնտեսության վրա։ Այս մասին այսօր, պատասխանելով Sputnik Արմենիայի հարցին, ասաց ՀՀ տնտեսական զարգացման և ներդրումների նախարար Արծվիկ Մինասյանը։

2018-ի երկրորդ կիսամյակում ԱՐՄԵՆԱԼ գործարանի արտադրած փայլաթիթեղի արտահանումն ԱՄՆ գրեթե դադարեցվել է։

«Արտահանման առնվազն կեսն ԱՄՆ էր գնում։ Բայց մենք հիմա աշխատում ենք ԱԳՆ-ի հետ և ներգրավել ենք նաև ԱՄՆ դեսպանատան ներկայացուցիչներին; Աշխատում ենք ամերիկյան կողմի հետ, որպեսզի ճիշտ ընկալում ձևավորվի, և պատժամիջոցները մեծ հաշվով չտարածվեն Հայաստանում տեղակայված կազմակերպության վրա»,- ասաց Մինասյանը։

Նախարարը նշեց, որ բանակցություններում նախնական դրական զարգացումներ կան, բայց չցանկացավ բացել փակագծերը և ժամանակից շուտ այդ հարցի շուրջ հայտարարություն անել։

Ի դեպ, հայկական արտադրության փայլաթիթեղը Հայաստանից ԱՄՆ արտահանվող ապրանքատեսակների ընդհանուր ծավալի շուրջ 70 տոկոսն է կազմում։

Հիշեցնենք`Հայաստանի ԱՐՄԵՆԱԼ գործարանը ստեղծվել է ռուսական ՌՈՒՍԱԼ ընկերության կողմից 2000 թ.-ին`Քանաքեռի ալյումինի գործարանի հիմքի վրա, այն Հայաստանի խոշորագույն արտադրական ձեռնարկություններից է, Կովկասում և Կենտրոնական Ասիայում փայլաթիթեղի միակ արտադրողը: Հայկական գործարանը ՍԱՅԱՆԱԼ, «Ուրալսկայա ֆոլգա», «Սայանսկայա ֆոլգա» գործարանների հետ կազմում է ՌՈՒՍԱԼ-ի փաթեթավորման դիվիզիոնը:

Ըստ թեմայի

Ինչպես Ռուսաստանը կպատասխանի ԱՄՆ նոր պատժամիջոցներին. պարզաբանում է ԱԳՆ–ն
Ինչպե՞ս կազդեն հակառուսական և հակաիրանական պատժամիջոցները ՀՀ–ի տնտեսության վրա. ասուլիս
Ռուսաստանը հայելային պատասխան կտա ԱՄՆ պատժամիջոցներին. Զախարովա
Սարգսյան. «Հակառուսական պատժամիջոցների տնտեսական հետևանքներից խուսափել չի ստացվի»
Պատժամիջոցները կազդեն ՌԴ–ում աշխատող հայերի վրա. աշխատավարձը կպակասի
թեգերը:
Արծվիկ Մինասյան, Ռուսաստան, Հայաստան

Գլխավոր թեմաներ