14:52 19 մարտի 2019
Ուղիղ եթեր
  • USD486.52
  • GBP644.88
  • EUR552.15
  • RUB7.53
Заседание Национального собрания РА. Грант Багратян

Ավելի լավ է, որ մարդիկ շատ փող ստանան, ոչ թե կառչեն անփոփոխ գներից. Բագրատյանը` Փաշինյանին

© Sputnik / Karen Yepremyan
Տնտեսություն
Ստանալ կարճ հղումը
210 0 0

Հրանտ Բագրատյանը խոսել է գնաճի մասին և ներկայացել այլ թվեր, քան ավելի վաղ ներկայացրել էր Նիկոլ Փաշինյանը։

ԵՐԵՎԱՆ, 11 հունվարի — Sputnik. ՀՀ նախկին վարչապետ, տնտեսագետ Հրանտ Բագրատյանը ֆեյսբուքյան իր էջում անդրադարձել է Նիկոլ Փաշինյանի գնաճի մասին անդրադարձին և նշել, որ ՀՀ վարչապետի պաշտոնակատարը անուշադիր է և ոչ ճիշտ թվեր է հրապարակում։

«Վարչապետ Փաշինյանը հայտարարել է, որ ի հեճուկս չուզողների 2018-ի գնաճը կազմել է 1.8%։ Այս առումով նա գոհունակություն է հայտնել ԿԲ և կառավարության աշխատանքից։ Պարտավոր եմ նշել հետևյալը։ Նախ, եթե վարչապետն ուշադիր լիներ, ապա կտեսներ, որ 2018-ի գնաճը եղել է 2.5% և ոչ թե 1.8 (տես՝ https://www.armstat.am/file/doc/99511863.pdf

Խոսքը տարվա միջին գնաճի մասին է և ոչ թե ծայրակետային։ Հայ սպառողը 2018-ին ապրանքների ու ծառայությունների համար վճարել է 2.5% ավելի, քան 2017-ին։ Մինչդեռ ոչ 1.8-ով և ոչ էլ 2.5-ով ուրախանալ չի կարելի (վերջին տարիներին, դժբախտաբար, գնաճը միշտ էլ ցածր է եղել)։ Մեր ուսումնասիրությունները ցույց են տալիս, որ տնտեսական աճի արագացման համար պետք է 4.5-6% գնաճ։ Ցածր գնաճը 2018-ին ցածր տնտեսական աճի (5-5.5%) պատճառներից մեկն է»,–գրել է Բագրատյանը։

Նա նկատել է, որ ավելի լավ է, որ մարդիկ շատ փող ստանան, այլ ոչ թե կառչեն անփոփոխ գներից։

Հիշեցնենք, որ օրեր առաջ ՀՀ վարչապետի պաշտոնակատար Նիկոլ Փաշինյանը ֆեյսբուքյան իր էջում ուրախություն էր հայտնել ցածր գնաճի հետ կապված։

«Ի հեճուկս կանխատեսումների, թե 2018-ին կարձանագրվի 3, նույնիսկ 3.5-4 տոկոս գնաճ, 2018 թվականի գնաճը կազմել է 1.8 տոկոս:Իհարկե, մի պահ գնաճի վարքագիծը իրոք մտահոգիչ էր, բայց կառավարությունը և ԿԲ-ն կարողացան հասնել գնաճի զսպմանը»,–գրել է Նիկոլ Փաշինյանը:

Ըստ թեմայի

Կթանկանա՞ գազը Հայաստանում. մտահոգությունը վաղաժամ է
Տնտեսական վերելք և «խամրած» տոն. շոկի մեջ է անգամ Բագրատյանը
Կատարե՞ց կառավարությունն իր տնտեսական խոստումները. տնտեսագետների կարծիքները տարբեր են

Գլխավոր թեմաներ