10:50 17 հոկտեմբերի 2019
Ուղիղ եթեր
  • USD476.76
  • GBP608.06
  • EUR526.20
  • RUB7.42
Arleder կաշվի գործարանը Երևանում

Հայաստանում քննարկում են անմշակ կաշվի արտահանման արգելքի հարցը

© Sputnik / Aram Gareginyan
Տնտեսություն
Ստանալ կարճ հղումը
27110

Տեղական արդյունաբերությունը զարգացնելու համար անմշակ կաշին չեն ուզում երկրից հանել։ Սակայն երևանյան գործարանը չի կարող վերամշակել տեղական հումքի ամբողջ ծավալը։

ԵՐԵՎԱՆ, 17 հունվարի — Sputnik, Արամ Գարեգինյան. Հայաստանում անմշակ կաշին արտահանելու արգելք են քննարկում։ ՀՀ տնտեսական զարգացման և ներդրումների նախարարի պաշտոնակատար Տիգրան Խաչատրյանը Sputnik Արմենիայի հետ զրույցում ասաց, որ պետք է հասկանալ` ինչպես օգնել տեղական արդյունաբերությանն ու անասնապահ գյուղացիներին։

«Բանն այն է, որ Հայաստանում հիմա ավելի շատ կաշի է արտադրվում, քան այդ գործարանն է մշակում. համենայն դեպս, այդ պահին։ Ու եթե մենք սահմանափակենք կաշվի արտահանումը, դրանք պարզապես աղբը կնետեն։ Իսկ հիմա գյուղացիները դրանից գոնե ինչ–որ եկամուտ են ստանում», – ավելացրեց նա։

Նախարարը պարզաբանեց, որ հիմա պետք է այնպես անել, որ բոլորը գոհ մնան։

Նշենք, Հայաստանից կաշիները հիմնականում Թուրքիա են արտահանում։ Այս երկիրը կաշվի խոշորագույն արտադրողներից է աշխարհում ու պատրաստի, մշակված կաշվի մեծությամբ 11–րդ արտահանողը։ Այնտեղ սեփական հումքի մեծ պաշարներ կան (հատկապես` ոչխարի կաշվի), սակայն տեղի կաշվի գործարանները մշտապես հարևաններից են հումք գնում, այդ թվում` Հայաստանից ու Վրաստանից։

Նախորդ ամիսներին արտահանումը Հայաստանից կտրուկ կրճատվել է։ Ինչ–որ տեղ Երևանի կաշվի գործարանի շնորհիվ։ Այն արդեն մի քանի ամիս է պատրաստի կաշի է արտահանում։ Սակայն շուկայում գները հիմնականում թելադրում են թուրք պատվիրատուները։

Վերջին ամիսներին պահանջարկն այնտեղ կրճատվել է, ու կաշին Հայաստանից մի քանի անգամ ավելի էժան են գնում։ Այդ պատճառով հիմա դրանք գրեթե չեն հանում երկրից։ Բայց եթե (իսկ ավելի ճիշտ` երբ) պահանջարկը Թուրքիայում նախկին մակարդակի հասնի, կաշվի արտահանումը կվերականգնվի, ընդ որում` խոսքը որակյալ կաշվի մասին է, որի դիմաց Թուրքիան պատրաստ է լավ վճարել։

Նշենք, 2018 թվականի I կիսամյակում Հայաստանից անմշակ կաշվի արտահանումը գրեթե երկու անգամ կրճատվել է. 130 հազարից մինչև 70 հազար։

Ըստ թեմայի

Կթանկանա՞ գազը Հայաստանում. մտահոգությունը վաղաժամ է
Ի՞նչ ճակատագիր է սպասվում հայկական գինուն և կոնյակին 2019թ.–ին. մեկնաբանում է փորձագետը
Դեմքով դեպի աշխատավոր դասը. ՀՀ իշխանությունն ի՞նչ հարկեր կքննարկի 2019 թվականին
Անհայտ, բայց շատ կարևոր. ինչ ապրանքներ են ուզում արտադրել Հայաստանում 2019 թվականին
Գործարարների և ձեռներեցների համար. ինչպիսի՞ հարկեր կլինեն Հայաստանում

Գլխավոր թեմաներ