ԵՐԵՎԱՆ, 22 հունվարի — Sputnik. ԵԱՏՄ–ի նախագահության շրջանակում պաշտոնական Երևանի առաջնահերթությունը կլինի խոչընդոտների քանակի նվազեցումը, ՌԻԱ Նովոստիին ասել է Հայաստանի վարչապետ Նիկոլ Փաշինյանը Դավոսում անցկացվող ֆորումի շրջանակում։
«Ցավոք, Եվրասիական տնտեսական միության տարածքում ավելի քան 60 խոչընդոտ կա, որոնք խանգարում են ինտեգրացիոն գործընթացների նորմալ զարգացմանը։ Դա կապված է ԵԱՏՄ երկրների ներքին կարգավորման հետ։ Մեզ համար առաջնահերթ է լինելու այդ խոչընդոտները վերացնելը, որպեսզի իրական ընդհանուր տնտեսական տարածք լինի», - ասել է նա:
Հիշեցնենք, որ ԵԱՏՄ աշխատանքային մարմինների նախագահությունը 2019թ–ին անցել է Հայաստանին։
Փաշինյանն աշխատանքային այցով մեկնել է Շվեյցարիա՝ հունվարի 22-ից մեկնարկած Դավոսի համաշխարհային տնտեսական համաժողովին:
Նա Դավոսում հանդիպել է աշխարհահռչակ ընկերությունների ղեկավարներին։
