16:54 22 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Փող

Ինչպես առանց բանկի գումար գտնել. արտասահմանցիները կօգնեն մեզ կորպորատիվ կառավարման հարցում

CC0 / Maklay62 / Money
Տնտեսություն
Ստանալ կարճ հղումը
127 0 0

Արժեքավոր թղթերը բորսայում կարող են փոխարինել բանկային վարկերին։ Ճիշտ է, հարկ է կտրականապես փոխել կառավարման ոճը։

ԵՐԵՎԱՆ, 21 փետրվարի — Sputnik, Արամ Գարեգինյան. Արդյո՞ք Հայաստանում տնտեսական հեղափոխություն եղել է. Այս հարցի համար յուրաքանչյուրն իր պատասխանն ունի։ Սակայն կառավարչական հեղափոխությունը կարող է դառնալ դրա «ճակատներից» մեկը։ Այդ պատճառով կառավարության աջակցությամբ կորպորատիվ կառավարման զարգացման ծրագիր է մեկնարկում։

Ծրագիրն իրականացնում է PriceWaterhouseCoopers (PWC), որը աուդիտորական բիզնեսի «մեծ քառյակի» մեջ է։

PWC–ն կօգնի նորացնել կորպորատիվ կառավարման ստանդարտները Հայաստանում, այդ թվում` կորպորատիվ կառավարման օրենսգիրքը։ Այն ընդունվել է դեռևս 2010 թվականին, Համաշխարհային բանկի ու Վերակառուցման և զարգացման եվրոպական բանկի աջակցությամբ ու նախատեսված է եղել բանկերի, պետական ընկերությունների ու բորսայում գրանցված ընկերությունների համար։

Օրենսգիրքը կազմվել էր` հաշվի առնելով Տնտեսական համագործակցության և զարգացման կազմակերպության (OECD), նաև Բազելի կոմիտեի միջազգային բանկային ստանդարտները։

Մասնավորապես, այստեղ առաջին անգամ ձևակերպվել է տնօրենների խորհրդի նկատմամբ ամենակարևոր պահանջներից մեկը` դրա անկախությունը։ Տնօրենների խորհրդում մեծամասնությունը չպետք է ընկերության մենեջերները լինեն, իսկ երկու տնօրենը պետք է ընդհանրապես անկախ լինեն (այսինքն` չպետք է բաժնետոմս ունենան ու նյութապես շահագրգռված լինեն ընկերության մեջ)։ Ընկերությունը պետք է տվյալներ հրապարակի ներքին գործարքների մասին (այսինքն` այն մասին` ինչպես են տնօրենները գնում ու վաճառում իրենց ընկերության բաժնետոմսերը)։ Ընկերության տնօրենները պետք է զերծ մնան բաժնետոմսերի գնային մանիպուլյացիաներից` հօգուտ իրենց և ի վնաս մնացած բաժնետերերի (այդ թվում` բորսայում)։ Այդ օրենսգիրքը վերանայվել ու նորացվել է համաշխարհային առաջատար ստանդարտների համաձայն։

Ինչի՞ համար է սա պետք, արդյո՞ք տեղական ընկերությունները կկարողանան օտարների հրավիրել։

Հետաքրքրությունը կարող է լինել ոչ միայն համբավի հարցում, այլ զուտ նյութական։ Նման ընկերությունները կկարողանան ներկայանալ բորսայում ու առանց բանկային վարկերի գումար վերցնել։ Այսպիսով` նրանց կախվածությունը բանկերից կփոքրանա։ Հիմա ընկերություններն իրենք պետք է ընտրեն` ինչն է նրանց ավելի պետք. գումար գրավելու նոր միջոցը, թե՞ հին «տնավարի» բիզնես–պրակտիկան։

Հայաստանում դեռ կորպորատիվ կառավարման կանոններին հետևում են արտասահմանյան կապիտալով բանկերն ու կազմակերպությունները։

Ըստ թեմայի

Մոլորակի մարդկանց կեսն ապրում է օրական մոտ 5,5 դոլարով. Համաշխարհային բանկի տվյալները
Արտահանումը կարագացնի Հայաստանի ՀՆԱ աճը 2018թ–ին. Համաշխարհային բանկի ներկայացուցիչ
Համաշխարհային բանկի նախագահը հրաժարական կտա
թեգերը:
Հայաստան

Գլխավոր թեմաներ