10:44 15 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Նիկոլ Փաշինյան

Հայաստանում գոյություն ունեն գոյություն չունեցող նպաստառուներ. Փաշինյան

© Photo / official site of the Prime minister of RA
Տնտեսություն
Ստանալ կարճ հղումը
41810

ՀՀ վարչապետին զայրացրեց թոշակառուներին ու նպաստառուներին ստուգելու մասին Աշխատանքի և սոցիալական հարցերի նախարարության առաջարկը։

ԵՐԵՎԱՆ, 2 մայիսի — Sputnik. Մինչև այսօր Հայաստանում գոյություն ունեն գոյություն չունեցող նպաստառուներ։ Այսօր կառավարության նիստում հայտարարեց ՀՀ վարչապետ Նիկոլ Փաշինյանը։

«Մեզանից շատ մեծ ջանքեր է պահանջում այդ համակարգի հետևից գնալը։ Փոխանակ մտածենք` ոնց անենք, որ գոյություն չունեցող նպաստառուները գոյություն չունենան, ասում ենք` եկեք, նոր սողանցք բացենք, որ դրանք դարձյալ սկսեն գոյություն ունենալ», –ասաց Փաշինյանը` արձագանքելով ՀՀ աշխատանքի և սոցիալական հարցերի նախարար Զարուհի Բաթոյանի առաջարկին` նպաստառուների անձնական տվյալների ստուգման տարբերակների մասին։

«Մենք պաշտոնյա ենք դնում, որ ստուգի` այդ մարդը կենդանի է, թե՞ չէ։ Նշանակում է այդ պաշտոնյային հնարավորություն ենք տալիս էդ գոյություն չունեցող թոշակառուի թոշակն ինքը ստանա։ Մենք ամբողջ օրն ասում ենք` թվայնացում, թվայնացում։ Բայց հիմա ասում ենք` եկեք 4 մարդ նշանակենք, որ գնան ստուգեն` էդ մարդիկ կենդանի են, թե չէ»,– ասաց Փաշինյանը։

Արձագանքելով վարչապետի դիտողությանը` Զարուհի Բաթոյանը պարզաբանեց, որ մարդու կենդանի լինելը ստուգվում է մեխանիկորեն, իրենց առաջարկը վերաբերում է մարդու սոցիալական փաստաթղթերը ստուգելուն։

«Սա բացառապես տեխնիկական խնդիրների լուծմանն է ուղղված, որի հնարավորությունը բանկի աշխատակիցները չունեն»,– ասաց Բաթոյանը։

Բայց Նիկոլ Փաշինյանն անդրդվելի մնաց` հայտարարելով. «Միայն առցանց տարբերակով։ Մարդկային գործոնը պիտի բացառվի։ Հայաստանն ուզում ենք հետ գլորել 1950 թվականը»։

Վարչապետը կառավարության անդամներին հրահանգեց առաջարկել միայն ինովացիոն լուծումներ։ Իսկ թվայնացման գործընթացի պատասխանատվությունը հանձնարարեց Տեղեկատվական տեխնոլոգիաների նոր ստեղծվող նախարարությանը։

Ըստ թեմայի

Սամվել Ալեքսանյանն արտոնություն ստացավ. Թուրքիայից ներմուծելը ձեռնտու է
Աշխատանքային օրենսգրքում տարիքային խտրականությունն արգելող հոդվածը մերժվեց
84 մլրդ դրամի պետությանը պատճառված վնաս է բացահայտվել. գլխավոր դատախազն ասաց`ինչպես
թեգերը:
ՀՀ կառավարություն, Զարուհի Բաթոյան, Նիկոլ Փաշինյան, Հայաստան

Գլխավոր թեմաներ