18:43 19 հունիսի 2019
Ուղիղ եթեր
  • USD478.04
  • GBP601.18
  • EUR535.55
  • RUB7.47
Քաղաքացիներ

Ո՞ւր են նոր ստեղծուած աշխատատեղերը. ՓՄՁ–ները սպասողական վիճակի մէջ են

© Sputnik / Hayk Petrosyan
Տնտեսություն
Ստանալ կարճ հղումը
Sputnik Արմենիան` արևմտահայերենով (213)
66 0 0

Դեռ 2018–ի աշնան շարք մը ՓՄՁ–ներ ուղղակի սառեցուցած են իրենց գործունէութիւնը: Ոլորտի մասնագէտը Sputnik Արմենիային տեղեկացուցած է, թէ ինչ է ատոր պատճառը:

ԵՐԵՒԱՆ, 20 մայիսի — Sputnik. 2018–ին Գրանցուած են 17 000 անհատ ձեռնարկատէր եւ 6300 սահմանափակ պատասխանատուութեամբ ընկերութիւն: Նոր ԱՁ–ներու եւ ՓՄՁ–ներու ստեղծման հետեւանքով, բնականաբար, պէտք է նոր աշխատատեղեր ստեղծուէին, բայց ո՞ւր են ատոնք: Sputnik Արմենիայի հետ զրոյցին նման հարց բարձրացուց Հայաստանի գործատուներու միութեան նախագահ Գագիկ Մակարեան:

«Մէկ անհատ ձեռնարկատէրը սկզբնական շրջանին պէտք է 1-2 աշխատատեղ ստեղծէ, այսինքն` 2018–ին նուազագոյնը պէտք է ունենայինք 22-23 000 ԱՁ–ներու ստեղծուած աշխատատեղեր: Նոյնն ալ ՍՊԸ–ներու պարագային է, ու եթէ 6300 ՍՊԸ–ն գոնէ 2-3 աշխատող ունենային, ապա ՍՊԸ–ներու պարագային ալ կը ստեղծուէին 18 000 նոր աշխատատեղ: Այսինքն` միայն ԱՁ–ներու եւ ՍՊԸ–ներու մասով մենք շուրջ 40 000 նոր աշխատատեղ պէտք է ունենայինք: Ու՞ր են այդ աշխատատեղերը...»,–ըսաւ ան:

Մակարեանի խօսքով` խնդիրն այն է, որ հիմնուած ընկերութիւնները դեռ գործունէութիւն չեն իրականացներ, քանի որ ունին խնդիրներ` դրամատուները վարկեր չեն տար, նաեւ մասնագէտներու պակասի ու շուկայի սահմանափակ ըլլալու խնդիր կայ: Այս պարագային պետութիւնը, ըստ անոր, իր բարեփոխումներով պէտք է աջակցի հիմնուած ընկերութիւններուն:

Անդրադառնալով աշխատաշուկայի մէկ այլ խնդիրի` աշխատողներ գրանցելուն ու ստուերէն դուրս բերելուն` Գործատուներու միութեան նախագահը նշեց, որ իրականութեան մէջ  կարեւոր է հարցը, թէ ինչու՞ ձեռնարկութիւնները չեն ձեւակերպեր իրենց աշխատողներուն: Ըստ անոր` խնդիրը միշտ մէկ տեսանկիւնէ կը ներկայացուի. «Կ’ըսեն, որ ատիկա կ’ըլլայ, որպէսզի գործատուն խուսափի յաւելեալ հարկերէ: Սակայն կան նաեւ դէպքեր, որ մարդիկ վարկեր  վերցուցած են, ուշացուցած վճարումները կամ չեն վճարած ատոնք ու յայտնուած են ԴԱՀԿ–ի «ցուցակներուն» մէջ: Այսինքն` եթէ անոնց գրանցեն, աշխատավարձը պիտի երթայ վարկերը մարելուն, ու այս մարդիկ իրենք գործատուին կը խնդրեն, որ չձեւակերպուած աշխատող ըլլան»:

Պանիր արտադրողներու միութեան նախագահ Արմէն Գիգոյեանի խօսքով ալ` դեռ 2018–ի աշնան  շարք մը ՓՄՁ–ներ ուղղակի սառեցուցած են իրենց գործունէութիւնը: Ասոր պատճառը, ըստ անոր, տնտեսութեան մէջ առկայ խնդիրներն են: «ՓՄՁ–ներն ունին խնդիրներ, որոնք կախուած են ֆինանսներու դժուար հասանելիութեան, շուկայի սահմանափակ եւ վճարունակութեան ցած ըլլալուն հետ: Պանրագործութեան ոլորտը բացառութիւն չէ` նոյն խնդրի առջեւ  կանգնած է »,–ըսաւ ան:

Ըստ Գիգոյեանի` հիմնական խնդիրը, որուն պատճառով մարդիկ կը սառեցնեն իրենց գործունէութիւնը, իրացման ծաւալներու նուազեցումն է,որ առկայ է բոլոր ոլորտներուն մէջ: Սակայն, Պանիր արտադրողներու միութեան նախագահին խօսքով, Հայաստանի բախտը դեռ բերած է, քանի որ յետյեղափոխական ժամանակաշրջանին վերոյիշեալ խնդիրին այլ երկիրներու մէջ ՓՄՁ–ներն աւելի մեծ ծաւալով կ’առնչուին: Սակայն այս ամէնը, ըստ անոր, ժամանակաւոր է, եւ որոշ ժամանակ անց պիտի կարգաւորէ ամէն ինչ: «Իրացման ծաւալներու նուազման պատճառով ՓՄՁ–ները սպասման վիճակի մէջ  են հիմա: Այսինքն` եթէ անոնք համոզուած ըլային, որ պիտի չշարունակեն աշխատիլ, լուծարման կ’երթային»,–ըսաւ Գիգոյեան:

Նշենք, որ ՀՀ վարչապետ Նիկոլ Փաշինեան իր պաշտօնավարման մէկ տարին ամփոփող ասուլիսի ժամանակ յայտարարեց, որ 2018-ին գրանցուած են 20.229 անհատ ձեռնարկատէր, որ 2017-ի համեմատ, 5492-ով շատ է:

Բացի այդ, 2018–ին գրանցուած են 6.137 սահմանափակ պատասխանատուութեամբ ընկերութիւն, որն ալ 2017-ի համեմատ, շատ է 1.694-ով:

Իսկ թէ այդ նոյն ժամանակահատուածին քանի ԱՁ–ի կամ ՓՄՁ–ի գործունէութիւն  կասեցուած է, քանի հատը  լուծարուած կամ սառեցուցած են իրենց գործունէութիւնը, այդպէս ալ տուեալներ չհրապարակուեցան:

թեմա:
Sputnik Արմենիան` արևմտահայերենով (213)

Ըստ թեմայի

12 օր է` ինքնաշարժի մէջ կը քնանամ. 1 օրուան մէջ «փլեցան» Սահակեան ընտանիքի ծրագիրները
Հայաստանի մէջ վարորդներու տուգանքները կը նուազին, բայց վարորդական իրաւունքէն կը զրկուին
Տոլմայի փառատօն տեղի կ’ունենայ Զուարթնոցի տաճարին մօտ. ի՞նչ կը խոստանան կազմակերպիչները
Հայերուն չէք ընդունիր, միջազգային խաղեր մի կազմակերպէք. յայտնի մեկնաբանը` Ատրպէյճանին
թեգերը:
«Թավշյա հեղափոխություն», Նիկոլ Փաշինյան

Գլխավոր թեմաներ