01:42 18 հուլիսի 2019
Ուղիղ եթեր
  • USD476.45
  • GBP590.89
  • EUR534.43
  • RUB7.58
Հյուսիս-հարավ ավտոմայրուղի

Պետությունը չի օգնի անբարեխիղճ կապալառուին. Ավինյանը` «Հյուսիս–հարավի» մասին

© Sputnik / Aram Nersesyan
Տնտեսություն
Ստանալ կարճ հղումը
113 0 0

Հայաստանի կառավարությունը կարող է աջակցել տեղի ընկերություններին ինչ–որ հարցերում, բայց անբարեխիղճ իսպանական կապալառու ընկերության փոխարեն չի վճարի։

ԵՐԵՎԱՆ, 29 մայիսի — Sputnik. «Հյուսիս–հարավ» ճանապարհի մի հատվածի շինարարության համար հայ ենթակապալառուներին փող չվճարելու պատասխանատվությունն ընկնում է իսպանական «Կորսան Կորվիամ» կապալառուի վրա։ Այդ մասին Տիգրան Ավինյանն ասաց ԱԺ կառավարական ժամի ընթացքում։

««Հյուսիս–հարավ» ճանապարհի շինարարության առաջին և երկրորդ տրանշների հետ խնդիրներ կան։ Այդ խնդիրները կապված են աշխատանքների որակի և դրանց ժամկետների հետ։ Մենք հիմա բանակցություններ ենք վարում «Կորսան Կորվիամի» հետ, ուզում ենք հասկանալ` գնալու ենք միջազգային միջնորդ դատարան, թե ոչ», – ասաց Ավինյանը։

Նրա խոսքով` տրանսպորտի նախարարությունը պարտավորություններ չունի։ Հաշվարկները ցույց են տալիս, որ տվյալ պահին նույնիսկ պարտավորություններ չկան «Կորսան–Կորվիամի» առաջ։

Այդ հարցով որոշումները պետք է բխեն հասարակական շահերից։ Նպատակը ծրագրի հնարավորինս արագ վերսկսելն է, իսկ անհրաժեշտության դեպքում` վերանայելը։

«Կորսան–Կորվիամի» կողմից ենթակապալառուներին չվճարելու հարցը այդ ընկերության հետ պայմանագրային բազայի հարթությունում է։

«Մենք կարող ենք աջակցել նրանց ինչ–որ հարցերում, բայց չենք կարող վճարել նրանց «Կորսան–Կորվիամի» փոխարեն, քանի որ հնարավոր չէ օգտագործել հանրային միջոցները մի քանի ընկերությունների հարցերը լուծելու համար», – նշեց Ավինյանը։

Իշխանությունները հաշվի կառնեն իսպանական կապալառուի անբարեխղճությունը` անկախ այն բանից, թե նրա հետ պայմանավորվածություն ձեռք կբերվի, թե բանը կհասնի միջնորդ դատարան։

Կառավարությունը մտադիր է երկու շաբաթվա ընթացքում ավարտել իրավիճակի, կատարված աշխատանքի և կապալառու ծախսերի գնահատումը։

Ինչպես նշեց «Լուսավոր Հայաստանի» պատգամավոր Գևորգ Գորգիսյանը, որը բարձրացրել էր հարցը, խոսքը 700 ընտանիքների և 19 ընկերությունների մասին է։

Նշենք, որ Հյուսիս–հարավ ավտոճանապարհի կապալառուն իսպանական «Կորսան Կորվիամ Կոնստրուկցիոն» ընկերությունն է, որն աշխատում է ենթակապալառուների հետ։ Նրանք օգոստոսից դրամական փոխանցումներ չեն ստացել կատարված աշխատանքի համար (աշխատել են մինչև նոյեմբեր)։ Դեկտեմբերին նրանք արդեն փակել են Երևան–Թալին ճանապարհը` հարցը լուծելու պահանջով։

Հիշեցնենք, որ 2018թ–ի սեպտեմբերին գլխավոր դատախազությունը ֆինանսական խախտումներ է բացահայտել շինարարության ընթացքում։ Հետաքննության արդյունքում հարուցվել է քրեական գործ, որն ուղղորդվել Քննչական կոմիտե։ Պետությանը հասցված վնասը գնահատվել է մոտ 50 միլիոն դոլար։

Հյուսիս—հարավ ճանապարհը անկախ Հայաստանի պատմության մեջ ամենածավալուն նախագծերից է։ Ճանապարհը կկրճատի տարածությունը Իրանի սահմանից մինչև Վրաստանի սահման՝ 550–ից մինչև 490 կմ, ինչը կհեշտացնի ելքը դեպի Սև ծով ոչ միայն Հայաստանի, այլև Իրանի համար։

Ըստ թեմայի

«Հյուսիս-Հարավ» ծրագրի քրեական գործով անցնում են 50-ից ավելի կազմակերպություն. ՀՔԾ
Հաջորդ տարի կունենանք Հայաստանից Վրաստան գնացող բարձրորակ ճանապարհ. նախարարը խոստացավ
Չինաստանի նախագահին հայտնի են Խաչատրյանի, Միկոյանի, Թումանյանի անունները
Չինացիներն ուզում են ՀՀ–ում հսկա մարզադաշտ կառուցել. ի՞նչ ճակատագիր կունենա «Հրազդանը»
Գագիկ Բեգլարյանը կհայտնվի քրեական գործերի կիզակետում. «Փաստ»
թեգերը:
Հայաստան, Տիգրան Ավինյան, ՀՀ կառավարություն

Գլխավոր թեմաներ