04:42 06 դեկտեմբերի 2019
Ուղիղ եթեր
  • USD477.94
  • GBP627.63
  • EUR530.13
  • RUB7.49
Իշխան Կարապետյան

Թվերը լավն են, դինամիկան` վատը. տնտեսության պաշտոնական ցուցանիշները մասնագետին չեն ոգևորել

© Sputnik / Nelli Danielyan
Տնտեսություն
Ստանալ կարճ հղումը
74 0 0

Տնտեսական զարգացման նախաձեռնությունների կենտրոնի (ՏԶՆԿ) նախագահ Իշխան Կարապետյանը լրագրողների հետ հանդիպման ժամանակ վերլուծել է էկոնոմիկայի նախարար Տիգրան Խաչատրյանի հրապարակած ցուցանիշները։

ԵՐԵՎԱՆ, 15 հոկտեմբերի — Sputnik. Հայաստանում իրականացվող տնտեսական քաղաքականությունը համադրելի չէ Հայաստանում հայտարարված տնտեսական հեղափոխության հետ։ Այսօր լրագրողների հետ հանդիպմանն այս մասին ասաց Տնտեսական զարգացման նախաձեռնությունների կենտրոնի (ՏԶՆԿ) նախագահ Իշխան Կարապետյանը։

«Բնակչության մոտ առկա են դրական սպասումներ, որ լավ է լինելու, սակայն չտեսնելով կոնկրետ փոփոխություն, դրական սպասելիք ունեցողների քանակը կայուն կերպով նվազում է՝ հատկապես մարզերում»,-ասաց նա։

Անդրադառնալով էկոնոմիկայի նախարար Տիգրան Խաչատրյանի` 2019թ.–ի առաջին կիսամյակի ամփոփոիչ ասուլիսում հնչեցրած թվերին` Իշխան Կարապետյանը նշեց. «Տնտեսական ակտիվության ցուցանիշը 6.5 տոկոս է կազմում։ Շատ լավ է։  Շինարարությունը 4.7 տոկոս է կազմում, աճը շատ լավն է։ Էլեկտրաէներգիայի արտադրությունը նվազել է 5.5 տոկոսով, ներմուծումը 0.5 տոկոս աճել է, արտահանումը` 0.5 տոկոսով նվազել»։

Կարապետյանը շեշտեց, սակայն, որ ցուցանիշները թեև վատը չեն, բայց եթե դրանք դիտարկում ենք նախորդ ժամանակաշրջանի հետ համեմատության մեջ, պարզվում է, որ դինամիկան վատն է։

Պետք է աշխատենք տնտեսական կապերն ամրապնդելու ուղղությամբ. Փաշինյանը` Մոլդովայի նախագահին

«Այսինքն` մենք այստեղ վտանգ ենք տեսնում։ Աճի տեմպը դանդաղել է։ Եթե տնտեսական ակտիվության ցուցանիշը 2018թ.–ի առաջին կիսամյակում 8.9 տոկոս էր կազմում, ապա 2019թ.–ին կազմել է 6.5 տոկոս, այսինքն` 2.4 տոկոսի տարբերություն է տալիս։ Եթե տնտեսությունը լավ է զարգացել, այս աճի տեմպը պիտի ավելանար։ Բայց մենք բոլոր ցուցանիշների մասով ունենք նվազում»,– ասաց Իշխան Կարապետյանը։

Իրականացված տնտեսական քաղաքականությունը և նոր ծրագրերի բացակայությունը, Կարապետյանի համոզմամբ, չեն նպաստում երկրում աղքատության կրճատմանը, կարճ ժամանակահատվածում տնտեսության զարգացմանն ու առկա խնդիրների լուծմանը։

«Կառավարության ծրագրում էլ է նշված` քաջալերել աշխատանքը։ Իսկ ի՞նչ միջոցներով է քաջալերվում աշխատանքը։ Մարդը պիտի ստեղծի սեփական բիզնե՞սը, թե՞ պետք է գնա ինչ–որ մեկի մոտ աշխատի։ Եթե կառավարությունը քաջալերում է, որ մարդը ստեղծի սեփական բիզնեսը, ապա պետք է նաև աջակցի գործարարին թե՛ ֆինանսական, թե՛ տեխնիկական, թե խորհրդատվական»,–ասաց Կարապետյանը։

ՏԶՆԿ նախագահի համոզմամբ, հայաստանյան տնտեսությանն անհրաժեշտ է գլոբալ փոփոխություն։ Կառավարությունը պետք է կարողանա լավ հարկային միջավայր ձևավորել հատկապես ՓՄՁ–ների համար։

Ըստ թեմայի

Եկեք «եթե»–ներով չխոսենք. ինչպես են հանքերը փչացրել Հայաստանի տնտեսական ցուցանիշները
ՀՀ տնտեսությունն ունի լավ տրամադրություն. Փաշինյանը ներկայացրել է տնտեսական ցուցանիշները
Հայաստանի տնտեսական ցուցանիշները
Հուլիսին տնտեսական ակտիվության ցուցանիշն աճել է. Փաշինյանը «հրաշալի թվեր» է հայտնել
թեգերը:
Նիկոլ Փաշինյան, տնտեսություն, Հայաստան, Իշխան Կարապետյան

Գլխավոր թեմաներ