06:38 16 ապրիլի 2021
Ուղիղ եթեր
  • USD521.20
  • GBP718.58
  • EUR624.29
  • RUB6.79
Տնտեսություն
Ստանալ կարճ հղումը
47 0 0

Հիմնվելով առկա տնտեսական ցուցանիշների ու վիճակագրական տվյալների վրա` Էդվարդ Հովհաննիսյանը, այդուհանդերձ, փաստում է, որ տնտեսությունն իսկապես վերականգնվում է։

ԵՐԵՎԱՆ, 6 ապրիլի - Sputnik. ՀՀ ՊԵԿ նախագահը չի շտապում հաստատել 2021թ.-ի տնտեսական աճի վերաբերյալ ՀՀ էկոնոմիկայի նախարարի լավատեսական կանխատեսումը։

«Ինչպես գիտեք` համավարակով պայմանավորված կանխատեսումները և սպասումները շատ անորոշ են, անկանխատեսելի։ Դրա համար պետք է սպասել և նոր միայն  գնահատականներ տալ։ Կլինի երկնիշ, թե ոչ, ժամանակը ցույց կտա»,– այսօր ԱԺ–ում լրագրողների հետ ճեպազրույցում ասաց ՊԵԿ նախագահ Էդվարդ Հովհաննիսյանը։

Այդուհանդերձ, հիմնվելով առկա տնտեսական ցուցանիշների ու վիճակագրական տվյալների վրա, Հովհաննիսյանը փաստեց` տնտեսությունն իսկապես վերականգնվում է։ Նրա խոսքով` այդ են վկայում, թե՛ շրջանառության ծավալները, թե՛ հավաքագրված հարկերը։

Հիշեցնենք` ՀՀ էկոնոմիկայի նախարար Վահան Քերոբյանն ամիսներ առաջ հայտարարել էր, որ իր նպատակն է 2021 թ-ին Հայաստանում երկնիշ տնտեսական աճ ապահովել։

Ս.թ. մարտին Քերոբյանը վերահաստատել էր իր այս կանխատեսումը` հիմնվելով արդեն պաշտոնական վիճակագրության վրա։

Կենտրոնական բանկում կստեղծվի ՀՀ բոլոր բանկային հաշիվների կենտրոնացված ռեեստր

«Եթե մենք պահենք աճի նույն տեմպը 2019-ի նկատմամբ, ապա 2021-ի վերջում կունենանք ավելի քան 10 տոկոս տնտեսական աճ»,- ասել էր Քերոբյանը։

Բացի այդ էկոնոմիկայի նախարարն այս տարվա համար նաև տուրիզմի ոլորտի ավելի քան 300 տոկոսանոց աճ է կանխատեսել` 2020–ի նկատմամբ։

Ըստ թեմայի

Հայաստանում տնտեսական աճ կլինի՝ անկախ նավթի գներից․ ԵԱԶԲ–ի կանխատեսումը
2021 թ.–ի առաջին ամիսների տնտեսական ցուցանիշները լավատեսություն չեն ներշնչում. տնտեսագետ
Այրվել են խաղալիքների և տնտեսական ապրանքների տաղավարներ. մանրամասներ «Սուրմալուի» հրդեհից
թեգերը:
Վահան Քերոբյան, տնտեսություն, Հայաստան, Էդվարդ Հովհաննիսյան (ՊԵԿ նախագահ), Պետական եկամուտների կոմիտե (ՊԵԿ)

Գլխավոր թեմաներ