13:30 20 հունիսի 2021
Ուղիղ եթեր
  • USD513.73
  • GBP713.98
  • EUR612.16
  • RUB7.12
Տնտեսություն
Ստանալ կարճ հղումը
217 0 0

Լողացող կայանը հող չի զբաղեցնում և ջրի մեջ գտնվելով՝ արդյունավետ հովացվում է։ Դա նվազեցնում է կառուցման ծախսն ու ավելացնում կայանի արտադրողականությունը։

ԵՐԵՎԱՆ, 8 հունիսի – Sputnik. Ֆրանսիական Transenergie ընկերությունը Հայաստանում նոր տիպի՝ լողացող արևային էլեկտրակայան կկառուցի։ Ինչպես Sputnik Արմենիայի հետ զրույցում հայտարարեց Վերականգնվող էներգետիկայի հիմնադրամի տնօրեն Կարեն Ասատրյանը՝ 151 կիլովատտ հզորությամբ լողացող կայանը տարածաշրջանում առաջին կլինի իր տեսակի մեջ, դրա արտադրողականությունը կարող է կազմել տարեկան մոտ 250 հազար կվտ/ժ։

Լողացող արևային կայանները (լճերի կամ ջրամբարների մակերևույթին) արդեն լայնորեն տարածված են Չինաստանում և եվրոպական երկրներում՝ մի շարք առավելությունների շնորհիվ։ Առաջինը՝ նման էլեկտրակայանը հողատարածք չի զբաղեցնում (որը պետք է գնել), երկրորդը՝ ջրում գտնվող կայանն ավելի լավ է հովացվում, նշանակում է՝ ավելի արդյունավետ է աշխատում։ Եվ վերջապես, արևային պանելները նվազեցնում են ջրի գոլորշիացումը (քանի որ փակում են ջուրը` ինչպես կաթսայի կափարիչը)։

«Անգլիայում անգամ դեպքեր կան, երբ կայանը տեղադրել են խմելու ջրի ջրավազանում։ Այսինքն՝ կայանը էկոլոգիապես մաքուր է, կարելի է անվնաս նյութերից պատրաստել»,-նշեց Ասատրյանը։

Այնուամենայնիվ, կայանի էկոլոգիական ազդեցությունը մանրամասն կուսումնասիրվի նաև Հայաստանի պայմաններում։ Այդ նպատակով ֆրանսիական ընկերությունից նաև բնապահպանության մասնագետներ են ժամանել։

Հակաթուրքական էմբարգո. Հայաստանը շահո՞ւմ է, թե՞ կորցնում

Կառուցման համար ֆրանսիացի մասնագետներն ու նրանց հայ գործընկերներն այժմ երեք ջրավազան են դիտարկում` Ապարանի և Ազատի ջրամբարները, ինչպես նաև Երևանյան լիճը։ Տեղանքից կախված՝ էլեկտրականության արտադրությունը կարող է տարբեր լինել․ Երևանում՝ ավելի քիչ, Ապարանում՝ ավելի շատ, քանի որ օդն այստեղ ավելի մաքուր է, արևոտ օրերը՝ ավելի շատ։ Բայց եթե համեմատենք միևնույն հզորությամբ և միանման վայրում գտնվող երկու կայան (մեկը գետնի վրա, մյուսը՝ ջրի), ապա երկրորդը արդյունավետ սառեցման արդյունքում 10-15 տոկոսով ավելի շատ էլեկտրականություն կարտադրի։

Ճիշտ է, եթե ցամաքային կայանը հագեցած է ավտոմատիկայով․ որը վահանակների տեղակայման անկյունը հարմարեցնում է արևի դիրքին, ապա դրա արտադրողականությունն ավելի բարձր կլինի։ Բայց մյուս կողմից՝ դրա կառուցվածքն ավելի բարդ է և սպասարկման ծախսերն ավելի մեծ են։ Իսկ լողացող կայանը արդյունավետությունը համադրում է պարզ կառուցվածքի հետ, նշեց Ասատրյանը։

Կայանը չի կարողանա էլեկտրականություն արտադրել Հայաստանում արևային կայանների համար նախատեսված արտոնյալ սակագնով, քանի որ այդ սակագնի քվոտաներն արդեն ավարտվել են։ Բայց կայանը ամեն դեպքում կարող է շահավետ լինել, քանի որ, ինչպես վերևում նշվեց, ավելի քիչ ծախս կպահանջի (մասնավորապես, դրա համար հող գնելու կարիք չի լինի)։

Հայ ֆիզիկոսներն ալգորիթմներ են մշակում նոր սերնդի համակարգիչների համար

Կայանի կառուցման համար միջոցներ կհատկացնի Ֆրանսիայի կառավարությունը՝ դրամաշնորհային ծրագրի շրջանակում։ Սարքավորումները կլինեն ավստրիական, գերմանական և ֆրանսիական։ Շինարարությունը կիրականացնի եվրոպական ընկերություն (դեռ ընտրված չէ)՝ հայ մասնագետների մասնակցությամբ։

Ըստ այս նախագծի արդյունքների կորոշվի, թե ինչպես կարելի է այն տարածել Հայաստանի մյուս ջրամբարների վրա։ Հիմա Հայաստանում արևային էլեկտրակայանների ընդհանուր հզորությունը կազմում է 21 մեգավատտ, կամ երկրում արտադրվող էլեկտրաէներգիայի ընդհանուր ծավալի 0,3 տոկոսը:

Ինչ են ուզում հայ մաթեմատիկոսները «սովորեցնել» համակարգչին. նոր և կարևոր մշակումներ

Ըստ թեմայի

Ահռելի ու էժան. ԱՄԷ–ի ներդրողներին թույլ տվեցին Հայաստանում արևային էլեկտրակայան կառուցել
Հայաստանն արևային էլեկտրակայանների «շքերթ» է մեկնարկում
Սա դեռ սկիզբն է. Թուրքիայի սահմանին հայկական արևային էլեկտրակայան բացվեց. լուսանկարներ
թեգերը:
էլեկտրաէներգիա, արևային կայան, Հայաստան, Ֆրանսիա

Գլխավոր թեմաներ