12:06 22 հունվարի 2018
Ուղիղ եթեր
Ոստիկանական ավտոմեքենա

«Ճվճըվ Արոյի» որդու հղի կինը վթարի օրը շտապ տուն է ուղարկել նրան

© Sputnik/ Aram Nersesyan
Պատահարներ
Ստանալ կարճ հղումը
259 0 0

«Հայկական ժամանակ» օրաթերթն անդրադարձել է «Ճվճըվ Արոյի» որդու վթարի թեմային` նշելով, որ վթարի օրը նա պետք է շտապ ինչ-որ բան տաներ հիվանդանոցում բուժվող հղի կնոջը:

ԵՐԵՎԱՆ, 13 հունվարի — Sputnik. «Քրեական հեղինակություն համարվող «Ճվճըվ Արո» մականունով հայտնի Արա Վարդանյանի կինը՝ Սարգիս և Սերժ Վարդանյանների մայրը՝ տիկին Նարինեն, սթրեսի մեջ է: Այս մասին գրում է «Հայկական ժամանակ» օրաթերթը։

Տիկին Նարինեն այս փուլում չի ցանկանում զրուցել լրագրողների հետ: «Ինքը հիմա շատ վատ վիճակում է»,-թերթի լրագրողին ասել է նրա հարսը՝ հունվարի 8-ի ողբերգական վթարի մասնակից Սարգիս Վարդանյանի կինը՝ Ռաֆայելան:

Նարինե Վարդանյանի երկու որդիներն էլ այժմ կալանքի տակ են՝ «Նուբարաշեն» ՔԿ հիմնարկում:

ՃՈ տեսուչների մահվան պատճառ դարձած ավտովթարի մասնակից Սարգիս Վարդանյանը մեղադրվում է ՀՀ քրեական օրենսգրքի 242-րդ հոդվածի 2-րդ մասով (ճանապարհային երթևեկության կանոնները խախտելը, որն անզգուշությամբ առաջացրել է մարդու մահ) և ՀՀ ՔՕ 244 հոդվածով (ճանապարհատրանսպորտային պատահարի վայրը թողնելը):

Դեպքի հանգամանքների և մեղավոր լինելու-չլինելու վերաբերյալ հարցերին Վարդանյանների ընտանիքը դեռ չի ցանկանում պատասխանել:

Ռաֆայելան թերթի թղթակցի հարցերին ի պատասխան միայն ասել է, որ ողբերգական վթարի օրը ամուսինն իր մոտ հիվանդանոցում է եղել: Ռաֆայելան հղի է, առաջնեկին են սպասում, և առողջական խնդիրների պատճառով «Էրեբունի» ԲԿ-ում բուժում էր ստանում. «Մենակ կարող եմ ասել, որ ես իրեն այդ օրը ուղարկել եմ տուն, տանից ինձ շտապ բան պետք է բերեր, հիմա չեմ ուզում շատ մանրամասնել: Պետք է դա բերեր ինձ մոտ, և մենք իրար հետ մնայինք հիվանդանոցում: Չի հասցրել մտնել տուն, դեպքը եղել է»,- ասաց Ռաֆայելան:

Դիտարկմանը, որ ըստ շրջանառվող տեղեկությունների Սարգիս Վարդանյանն այդ օրն ընկերների հետ հավաքույթի է եղել և խմիչք է օգտագործել, կինը պատասխանել է. «Սուտ է, նման բան չկա, հաստատ գիտեմ, որ ինքը խմիչք չի օգտագործել, ինձ մոտ է եղել»:

Գլխավոր թեմաներ