ԵՐԵՎԱՆ, 2 օգոստոսի — Sputnik. Ստեփանավանում նախկին ամուսինը խանդի հողի վրա դանակահարել է նախկին կնոջն, ապա ներկայացել ոստիկանություն։
Ինչպես տեղեկացնում է Ոստիկանության մամուլի ծառայությունը, օգոստոսի 2-ին, ժամը 00.30-ին, ոստիկանության Ստեփանավանի բաժնում հաղորդում է ստացվել, որ Յաղդան գյուղում դանակահարություն է կատարվել:
Նույն օրը, ժամը 1.20-ին, հիվանդանոցից ևս հաղորդում է ստացվել, որ «կրծքավանդակի, գոտկային շրջանի ծակած, կտրած չորս չթափանցող վերքեր» ախտորոշմամբ իրենց մոտ է տեղափոխվել 1988 թ. ծնված Լուսինե Գ.-ն և հայտարարել, որ վնասվածքը ստացել է տանը` նախկին ամուսնու կողմից դանակահարվելու հետևանքով:
Նույն օրը, ժամը 1.10-ին, կամավոր բաժին է ներկայացել 1974 թ. ծնված Խաչիկ Խ.-ն և հայտնել, որ օգոստոսի 1-ին, ժամը 23.45-ի սահմաններում, Յաղդան գյուղում բնակվող նախկին կնոջ՝ Լուսինե Գ.-ի տանը, խանդի շուրջ ծագած վիճաբանության ժամանակ, իր մոտ եղած ծալովի դանակով մի քանի անգամ հարվածել է նրա մարմնի տարբեր մասերին՝ պատճառելով վնասվածքներ:
Հանցագործության գործիք դանակը առգրավվել է: Նշանակվել է դատաբժշկական փորձաքննություն: Կատարվում է քննություն
