10:19 23 հուլիսի 2019
Ուղիղ եթեր
  • USD476.18
  • GBP593.70
  • EUR534.18
  • RUB7.56
Ինֆոգրաֆիկա

Երևանում բնակարանների և տների գներն ու դրանց աճը

Ստանալ կարճ հղումը
159 0 0
Երևանում անշարժ գույքի գներն աճել են 9.9%-ով
© Sputnik / Shushanik Sargsyan

Մեկ տարվա ընթացքում Հայաստանում բնակարանների գներն աճել են շուրջ 10 տոկոսով։ Sputnik Արմենիայի ինֆոգրաֆիկան ներկայացնում է անշարժ գույքի շուկայում տիրող իրավիճակը:

Մասնագետներն իրավիճակը նախ և առաջ պայմանավորում են հոգեբանական գործոնով` որպես հետևանք 2018թ–ին մեր երկրում տեղի ունեցած իրադարձություններով։

Այդուհանդերձ, հոգեբանականից բացի անշարժ գույքի գների վրա նաև իրական գործոններ են ազդում։ Դրանցից մեկը հիփոթեքային վարկավորման պայմանների բարելավումն է։ Վերջին տարիների ընթացքում մեղմվել են ինչպես երիտասարդ ընտանիքների բնակապահովման պետական աջակցության ծրագրերի պայմանները, այնպես էլ առևտրային բանկերի վարկային առաջարկները։

Անշարժ գույքի կադաստրի կոմիտեի հրապարակած տվյալների համաձայն՝ Երևանում 2019-ի մարտին 2018-ի նույն ժամանակահատվածի համեմատ՝ բազմաբնակարան շենքերի բնակարանների 1 քառակուսի մետրի արժեքը աճել է 9,6 տոկոսով: Մարզերում` բնակարանների գները 1 ամսվում թանկացել են 0,8 տոկոսով։

Միաժամանակ 2019 թ–ի մարտին Հայաստանում գրանցվել է բնակարանների վաճառքի 15 213 գործարք, ինչը  փետրվարի համեմատ ավելի է` 15, իսկ 2018-ի մարտի համեմատ` 6,7 տոկոսով:

թեգերը:
բնակարանաշինություն, շենք, Հայաստան

Այլ ինֆոգրաֆիկաներ

Գլխավոր թեմաներ