ԵՐԵՎԱՆ, 19 փետրվարի – Sputnik. Անհայտ անձը հափշտակել է Դադիվանք եկեղեցական համալիրում տեղադրված գանձանակը։ Տեղեկությունը հայտնում է Արցախի հանրապետության ոստիկանության մամուլի ծառայությունը։
Փետրվարի 18-ին Շահումյանի շրջանի բնակիչ, 1965թ. ծնված Գ. Գ.-ն հեռախոսով հաղորդել է Արցախի ոստիկանության Շահումյանի շրջանային բաժին, որ Դադիվանք եկեղեցուց գողություն է կատարվել։
ԱՀ ոստիկանության Շահումյանի շրջանային բաժնի ծառայողները պարզել են,որ նույն օրը ժամը 18:50-ից մինչև 19:40-ն ընկած ժամանակահատվածում անհայտ անձը հափշտակել է եկեղեցական համալիրում տեղադրված գանձանակը:
Ստուգմամբ զբաղվում է ԱՀ ոստիկանության Շահումյանի շրջանային բաժինը: