12:05 28 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Արցախ
Ստանալ կարճ հղումը
Ադրբեջանական ագրեսիան Արցախում - 2020 (2212)
75 0 0

Սուրբ Սավայի տաճարի մոտ հավաքվել են հայերն ու սերբերը՝ իրենց աջակցությունը հայտնելով Արցախին: Նրանք վստահ են, որ կարևորն անտարբերություն չցուցաբերելն է։

ԵՐԵՎԱՆ, 27 հոկտեմբերի - Sputnik. Սերբիայի մայրաքաղաք Բելգրադում արցախահայությանն աջակցության խաղաղ ցույց է անցկացվել։ Մի քանի տասնյակ սերբեր և հայեր հավաքվել են խորհրդանշական վայրում ՝ Սերբիայի հովանավոր սուրբ Սավայի տաճարի մոտ։

Демонстрация в поддержку Карабаха у церкви Святого Саввы (26 октября 2020). Белград
© Photo : provided by Milorad Djosic
Բողոքի ակցիա Սուրբ Սավայի տաճարի մոտ

Ցույցի մասնակիցներից մեկը սերբական «Գործել կույրերի համար» կազմակերպության ակտիվիստ Լուկա Յոքսիմովիչ-Բարբատն է։ Նա խոստովանել է՝ ցույցին երկար չեն պատրաստվել, չեն փորձել տեսախցիկների համար մարդկանց բազմություն հավաքել։ Եկել են նրանք, ովքեր գիտեն իրավիճակի մասին ու հայ ժողովրդին ինչ-որ կերպ աջակցելու ներքին կարիք էին զգում։

«1999 թվականին, երբ ՆԱՏՕ-ն ռմբակոծում էր Բելգրադը և Սերբիայի մնացած հատվածները, մեզ համար շատ կարևոր էր, երբ աշխարհի ինչ-որ անկյունում մեր մասին ինչ-որ մեկը հիշում և աջակցում էր, թեկուզև խոսքով։ Գուցե դա մեծ բան չէ, պարզապես մենք զինվորներ չենք և չենք կարող զենքով օգնել։ Բայց մենք կարող ենք գոնե ցույց տալ, որ ձեզանից երեք հազար կիլոմետր հեռավորության վրա կան մարդիկ, որոնք աջակցում են ձեզ և հաղթանակ են մաղթում», - հայտարարել է Յոքսիմովիչ-Բարբատը։

Մեծ թվով սերբեր գիտեն Օսմանյան կայսրությունում իրագործված հայերի, հույների, ասորիների, եզդիների նկատմանբ ցեղասպանության մասին։ Հայաստանում ևս հայտնի է սերբերի ցեղասպանության մասին, որն իրագործվեց Երկրորդ համաշխարհային պատերազմի տարիներին նացիստների և նրանց խորվաթ աջակիցների կողմից։ Նրանք ոչնչացնում էին հազարավոր սերբերի, կոմունիստ խորվաթների, հրեաների, գնչուների Յասենովաց և այլ համակենտրոնացման ճամբարներում։

Демонстрация в поддержку Карабаха у церкви Святого Саввы (26 октября 2020). Белград
© Photo : provided by Bojan Bojanic
Բողոքի ակցիա Սուրբ Սավայի տաճարի մոտ

Նշենք, որ ընդդեմ ադրբեջանա-թուրքական ագրեսիայի և ի աջակցություն Արցախի ցույցեր են անցկացվում աշխարհի տարբեր քաղաքներում։ Դրանց մասնակցում են ոչ միայն հայերը, այլև տեղի բնակիչները՝ ֆրանսիացիներ, ամերիկացիներ, ռուսներ, արաբներ, քրդեր, հույներ, ասորիներ, եզդիներ։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 26-ի ժամը 13։30-ի դրությամբ` հակառակորդի կրակոցների հետևանքով Արցախում զոհվել են 974 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

թեմա:
Ադրբեջանական ագրեսիան Արցախում - 2020 (2212)

Ըստ թեմայի

«Կանգնեցրեք երկրորդ Հիտլերին». բողոքի ակցիա ՀՀ–ում Գերմանիայի դեսպանատան առջև
Իսրայելի հայերը բողոքի ակցիա են իրականացրել Երուսաղեմի ԱԳՆ շենքի դիմաց
Հայերն ապրել են ու կապրեն Արցախում ընդմիշտ. բողոքի ակցիա` Շվեդիայում
թեգերը:
Բողոքի ակցիա, Պատերազմ, Արցախ, Սերբիա

Գլխավոր թեմաներ