ԵՐԵՎԱՆ, 2 նոյեմբերի – Sputnik. Արցախի համար մղվող պատերազմում զոհվել է մարզիկ Գարիկ Արևիկյանը, որը մեծ հաջողություններ ուներ բրազիլական ջիու-ջիթսու մարտարվեստում։ Նա ճանաչված Rio Grappling Armenia ակումբի անդամն էր։ Տեղեկությունը հայտնում է Հայաստանի խառը մարտարվեստների Տելեգրամ–ալիքը։
Բրազիլական ջիու-ջիթսու մարտարվեստի հայտնի հայազգի մարզիկ, աշխարհի բազմակի չեմպիոն Էդվին Նաջմին գրառում է արել նվիրված Արևիկյանին։
«Հանգչիր խաղաղությամբ, մեր հերոս: Նա երազում էր ջիու-ջիթսուի մասին, բայց իր կյանքը տվեց հանուն մեր հայրենիքի ու մեր ժողովրդի։ Պատիվ ունեմ, որ կյանքում հանդիպել եմ նրա նման լեգենդին, մարտիկին։ Մենք քեզ հավերժ կհիշենք»,-գրել է նա:
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 2-ի ժամը 19։00-ի դրությամբ` հակառակորդի կրակոցների հետևանքով Արցախում զոհվել են 1177 զինծառայողներ։ Քաղաքացիական անձանց շրջանում կա 46 զոհ ու 142 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7050 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 249 անօդաչու սարք, 16 ուղղաթիռ, 25 ինքնաթիռ, 675 տանկ և ՀՄՄ, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ:
Ում պետք չէ ռազմաճակատ տանել. պատմության դասերը
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
«Բառերը քիչ են, որ նկարագրեմ». ռազմաճակատից եկած հոր ու նորածին դստեր 1–ին հանդիպումը
