05:32 22 հունիսի 2021
Ուղիղ եթեր
  • USD513.29
  • GBP711.93
  • EUR610.71
  • RUB7.03
Արցախ
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (814)
66 0 0

Ստեփանակերտի քաղաքապետի խոսքով` քաղաքում շենքերի վերականգնումն արդեն սկսվել է, և քիչ–քիչ մնացած դպրոցներն ու մանկապարտեզներն էլ կաշխատեն։

ԵՐԵՎԱՆ, 26 նոյեմբերի — Sputnik. Աստիճանաբար խաղաղ կյանքին վերադարձող Ստեփանակերտում առաջին դպրոցներն ու մանկապարտեզները կբացվեն դեկտեմբերի 1-ին։ Տեղեկությունն այսօր լրագրողների հետ զրույցում հայտնեց Ստեփանակերտի քաղաքապետ Դավիթ Սարգսյանը։

«Դեկտեմբերի 1-ից կբացվի երկու դպրոց, երկու մանկապարտեզ, ու կամաց-կամաց մնացածն էլ կսկսեն գործել», - ասաց նա։

Սարգսյանն հայտնեց նաև, որ Ստեփանակերտի շենքերի կեսը, այդ թվում՝ քաղաքացիական ենթակառուցվածքը, հրթիռակոծության հետևանքով վնասվածքներ են ստացել։ Վնասված են հիվանդանոցներ ու դպրոցներ, ԱԻՆ-ի շենքը։

Նա ավելացրեց, որ շենքերի վերականգնումն արդեն սկսվել է։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։

Նոյեմբերի 20-ի տվյալներով՝ Արցախի ՊԲ-ն հրապարակել է 1678 զոհվածների անունները։

Համացանցում լուր տարածվեց, որ հայկական կողմն ունի 4750 զոհ ու անհետ կորած։ ՀՀ առողջապահության նախարար Արսեն Թորոսյանը նոյեմբերի 18-ին ԱԺ–ում լրագրողներին հայտնեց, որ պատերազմի առաջին օրվանից մինչև նոյեմբերի 17-ի երեկոյան պաշտոնապես հաստատված զոհված զինծառայողների թիվը 2425 է։

Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։

Ադրբեջանն իր կորուստների վերաբերյալ պաշտոնական տեղեկություններ չի հայտնում, սակայն հայկական կողմի տվյալներով` Ադրբեջանի ԶՈւ–ն պատերազմի ընթացքում զրկվել է 264 ԱԹՍ-ից, 16 ուղղաթիռից, 25 ինքնաթիռից, 784 զրահատեխնիկայից, 6 ՏՕՍ-ից, 7660 կենդանի ուժից։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

թեմա:
Իրադրությունը Հայաստանում և Արցախում հայտարարության ստորագրումից հետո (814)

Ըստ թեմայի

Լեռնային Ղարաբաղի վերաբերյալ Սենատի բանաձևը խորհրդատվությունից այն կողմ չի անցնի․ Կոսաչև
Մեզ ասվել է, որ համանախագահները դեմ են. Մարուքյանը՝ Արցախի անկախությունը չճանաչելու մասին
Զոհվել է «Արցախի հերոսի» կոչմանն արժանացած Դավիթ Գրիգորյանը
թեգերը:
մանկապարտեզ, դպրոց, քաղաքապետ, Ստեփանակերտ

Գլխավոր թեմաներ