21:04 23 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95
Արցախ
Ստանալ կարճ հղումը
985 0 0

Մուրադովը ներկայացրել է, թե ինչ իրավիճակ է այն վայրերում, որտեղ տեղակայված է խաղաղապահ զորախումբը։

ԵՐԵՎԱՆ, 27 նոյեմբերի – Sputnik․ ՀՀ պաշտպանության նախարար Վաղարշակ Հարությունյանն այսօր ընդունել է Լեռնային Ղարաբաղի հակամարտության գոտում հրադադարի ռեժիմի վերահսկման նպատակով տեղակայված ՌԴ խաղաղապահ զորախմբի հրամանատար, գեներալ-լեյտենանտ Ռուստամ Մուրադովին: Տեղեկությունը հայտնում է ՀՀ ՊՆ մամուլի ծառայությունը։

Командующие российскими миротворческими силами в Карабахе Рустам Мурадов и Объединенной группировкой войск ВС РА и ВС РФ Тигран Парванян на встрече с министром обороны Армении (27 ноября 2020). Еревaн
ՀՀ պաշտպանության նախարար Վաղարշակ Հարությունյանն այսօր ընդունել է ՌԴ խաղաղապահ զորախմբի հրամանատար, գեներալ-լեյտենանտ Ռուստամ Մուրադովին

Նախարարը շնորհակալություն է հայտնել խաղաղապահ զորախմբի արագ ծավալման և ԼՂ-ում խաղաղության հաստատման ու պահպանման ուղղությամբ իրականացված մեծածավալ աշխատանքների համար։

Министр обороны Армении Вагаршай Арутюнян встретился с командующим российскими миротворческими силами в Карабахе Рустамом Мурадовым (27 ноября 2020). Еревaн
ՀՀ պաշտպանության նախարար Վաղարշակ Հարությունյանն այսօր ընդունել է ՌԴ խաղաղապահ զորախմբի հրամանատար, գեներալ-լեյտենանտ Ռուստամ Մուրադովին

«Հանդիպման ընթացքում պաշտպանության նախարար Վաղարշակ Հարությունյանը հատուկ շեշտադրել է գերիների վերադարձի, ինչպես նաև անհայտ կորածների որոնողական աշխատանքների անցկացման և զինծառայողների մարմինների փոխանակման գործընթացի կարևորությունը»,- նշված է հաղորդագրության մեջ։

Министр обороны Армении Вагаршак Арутюнян во время встречи с командующим российскими миротворческими силами в Карабахе (27 ноября 2020). Еревaн
Վաղարշակ Հարությունյան

Այդ աշխատանքների արդյունավետ կազմակերպման համար Լեռնային Ղարաբաղում ձևավորվել է հատուկ շտաբ, որի կազմում նաև ՀՀ ՊՆ ներկայացուցիչ կա։

ՀՀ պաշտպանական գերատեսչության նորանշանակ ղեկավարի խնդրանքով գեներալ-լեյտենանտ Մուրադովը ներկայացրել է խաղաղապահ առաքելության ընթացքը և իրավիճակը զորախմբի տեղակայման վայրերում։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

Ըստ թեմայի

Հայաստանն ու Ղրիմն անխզելիորեն են կապված. Մուրադով
Ղարաբաղում հրադադարի մասին համաձայնությունը լիովին իրականացվում է. զեկուցում է Մուրադովը
ՀՀ զինվորական դատախազն Արցախում հանդիպել է Դմիտրի Շուվարկինի և Ռուստամ Մուրադովի հետ
թեգերը:
գերի, խաղաղապահ, Ռուստամ Մուրադով, Վաղարշակ Հարությունյան

Գլխավոր թեմաներ