15:01 23 հոկտեմբերի 2018
Ուղիղ եթեր
  • USD484.13
  • GBP630.63
  • EUR556.80
  • RUB7.41
Դամասկոս

Փորձագետ. ռուսական ավիացիայի տեղակայումը Սիրիայում չի վերաբերում այլ երկրների

© Sputnik / Илья Питалев
Քաղաքականություն
Ստանալ կարճ հղումը
10 0 0

Վլադիմիր Պուտինի կողմից Սիրիայի տարածքում Ռուսաստանի զինված ուժերի ավիացիոն խմբի տեղակայման մասին Սիրիայի հետ համաձայնության նախագիծը Պետդումայի վավերացմանը ներկայացնելը չպետք է որևէ արձագանք առաջացնի երրորդ երկրների մոտ, կարծում է ռազմական փորձագետ Վիկտոր Լիտովկինը։

ԵՐԵՎԱՆ, 9 օգոստոսի — Sputnik. Ռուսաստանի համար կարևոր չէ, թե ինչպես է Արևմուտքն արձագանքում Սիրիայի Արաբական Հանրապետության տարածքում ՌԴ ռազմատիեզերական ուժերի տեղակայման մասին Դամասկոսի հետ համաձայնագրի վավերացմանը, քանի որ այն կնքվել է երկու անկախ պետությունների միջև, ասել է քաղաքագետ Վիկտոր Լիտովկինը։

«Մենք ուշադրություն չենք դարձնի մեկնաբանություններին։ Բանավոր այդ համաձայնությունը վաղուց գոյություն ունի, մնացել է միայն իրավաբանական վավերացումը։ Դա ձևական պահ է։ Ոչ մեկի գործը չէ, թե ինչպիսի համաձայնագիր է կնքվում երկու անկախ երկրների միջև», — Sputnik-ին ասել է Վիկտոր Լիտովկինը։

Ռուսաստանի և Թուրքիայի առաջնորդներ Վլադիմիր Պուտինի և Ռեջեփ Թայիպ Էրդողանի այսօրվա հանդիպումը որևէ կերպ կապ չունի այդ համաձայնագրի վավերացման հետ, համոզված է փորձագետը։

«Նախագահները լուծում են երկկողմ համագործակցության հարցեր։ Անկասկած, խոսքը ահաբեկիչների դեմ պայքարի մասին է։ Թուրքիան նույնպես շահագրգռված է դրանում։ Էրդողանի և Բաշար ալ Ասադի հարաբերությունները միանշանակ չեն, բայց դա հարցի այլ կողմն է։ Սկզբից պետք է ոչնչացնել ԻՊ և «Ջաբհաթ ան Նուսրայի» գրոհայիններին, և միայն դրանից հետո Սիրիայի ժողովուրդը ժողովրդավարական ճանապարհով կորոշի, թե ինչպիսի նախագահ է իրեն պետք», — նշել է Լիտովկինը։

Նրա խոսքով` նախագիծն ակնթարթորեն չի վավերացվի. Պետդուման հիմա արձակուրդում է, և ոչ ոք չի ընդհատելու պատգամավորների հանգիստը։

«Սիրիայի հետ համաձայնագրի հիման վրա ռուսական ավիախումբը գտնվում է երկրում և օգնություն ցուցաբերում սիրիական կառավարությանը։ Այստեղ ոչ մի հակասություն կամ ստորջրյա խութ չեմ տեսնում։ Շունը հաչում է, քարավանը` անցնում»,- եզրափակել է Լիտովկինը։

Հունիսի վերջին ռուսական կառավարությունը հավանություն է տվել Դամասկոսի հետ համաձայնագրին և ներկայացրել այն Ռուսաստանի նախագահ Վլադիմիր Պուտինին` Պետդումայի վավերացմանը ներկայացնելու համար։

Տեքստում նշվում է, որ Հմեյմիմ օդանավակայանն իր ենթակառուցվածքով և կողմերի համաձայնությամբ տրամադրվող տարածքով անհատույց անցնում է ՌԴ օգտագործմանը։ Մարտի 31-ին ԱՄՆ-ի և Ռուսաստանի ՊՆ ներկայացուցիչները քննարկել են Սիրիայում թռիչքների անվտանգության ապահովման ըմբռնման մասին հուշագիրը։ Մայիսին Ռուսաստանի և ԱՄՆ-ի պաշտպանության նախարարությունները մայիսին համաձայնության են եկել Սիրիայում մարտական ավիացիայի թռիչքները կազմակերպելու շուրջ։

Գլխավոր թեմաներ