06:01 20 օգոստոսի 2019
Ուղիղ եթեր
  • USD475.91
  • GBP576.71
  • EUR528.16
  • RUB7.12
Հայկ Ալումյան

ԱԱԾ-ն, ՀՔԾ-ն ու դատախազությունը Քոչարյանի գործում տանուլ են տվել. Ալումյան

© Sputnik / Andranik Ghazaryan
Քաղաքականություն
Ստանալ կարճ հղումը
250 0 0

ՀՀ երկրորդ նախագահի պաշտպանը կարծում է, որ դատավոր Դավիթ Գրիգորյանի նկատմամբ արվածը մեսիջ է մնացած դատավորներին։

ԵՐԵՎԱՆ, 20 հուլիսի – Sputnik. Ազգային անվտանգության ծառայությունը, Հատուկ քննչական ծառայությունն ու դատախազությունը Ռոբերտ Քոչարյանի գործում տանուլ են տվել։ Այսօր Sputnik Արմենիա մամուլի կենտրոնում կայացած մամուլի ասուլիսի ժամանակ այս մասին հայտարարեց երկրորդ նախագահի փաստաբան Հայկ Ալումյանը։ Նրա խոսքով` պետական այս կառույցներին չի հաջողվել հիմնավորել Քոչարյանին առաջադրված մեղադրանքը։

«Այդ է պատճառը, որ բոլոր լծակներն օգտագործելով` փորձում են հասնել նրան, որ Քոչարյանը պահվի կալանքի տակ»,- ասաց Ալումյանը։

Այս լծակների շարքում փաստաբանը դիտարկում է նաև Քոչարյանի և մյուսների գործը վարող դատավոր Դավիթ Գրիգորյանի նկատմամբ իրականացվող գործողություները։

«Դավիթ Գրիգորյանի նկատմամբ արվածը մեսիջ է մնացած դատավորներին։ Բոլոր դատավորներին բաց տեքստով ասվում է՝ չհամարձակվեք Քոչարյանի օգտին որոշում կայացնել, այլապես կհայտնվեք Դավիթ Գրիգորյանի վիճակում»,- ասաց Ալումյանը։

Այն, որ դատավոր Գրիգորյանի նկատմամբ իրականացվող գործողությունները կապ ունեն Քոչարյանի գործի հետ, փաստաբանի համոզմամբ, վկայում է նաև այն հանգամանքը, որ դատավորի գրասենյակում կատարված խուզարկության արդյունքում ի թիվս այլ փաստաթղթերի առգրավվել է նաև Քոչարյանի նկատմամբ կիրառված խափանման միջոց կալանքը գրավով փոխարինելու` նրա պաշտպանների միջնորդությունը։

Մայիսի 18-ին Երևանի ընդհանուր իրավասությունների Ավան և Նոր Նորք վարչական շրջանների դատարանը՝ դատավոր Դավիթ Գրիգորյանի նախագահությամբ,  որոշեց ՀՀ երկրորդ նախագահ Ռոբերտ Քոչարյանին անձնական երաշխավորությամբ ազատ արձակել։

Մայիսի 14-ին ԼՂՀ նախկին և ներկա նախագահներ Բակո Սահակյանն ու Արկադի Ղուկասյանը ՀՀ երկրորդ նախագահ Ռոբերտ Քոչարյանին կալանքից ազատելու երաշխավորագիր էին ներկայացրել դատարան։ Մինչ այդ, գործի նախաքննության փուլում, Արցախի նախագահները նույնաբովանդակ միջնորդություն էին ներկայացրել նաև ՀՀ գլխավոր դատախազին։

Դատավոր Դավիթ Գրիգորյանը հայտնել էր, որ երաշխավորությունը ներկայացնելու համար երաշխավորները պարտադիր պետք է ներկայանան դատարան։

Մայիսի 16-ին նախագահները ներկայացել էին դատարան ու հաստատել իրենց երաշխավորագիրը` որպես անձնական երաշխիք վճարելով 500 000-ական դրամ։

Հունիսի 25–ին ՀՀ Վերաքննիչ քրեական դատարանի դատավոր Արմեն Դանիելյանը որոշում կայացրեց կալանավորել Արցախի նախկին և ներկա նախագահների անձնական երաշխավորությամբ ազատ արձակված Ռոբերտ Քոչարյանին, իսկ նրա և մյուսների վերաբերյալ գործի վարույթը կասեցնելու առաջին ատյանի դատարանի դատավոր Դավիթ Գրիգորյանի որոշումը բեկանել և գործն ուղարկել նոր քննության։

Հիշեցնենք նաև, որ հուլիսի 16–ին Դավիթ Գրիգորյանի աշխատասենյակում խուզարկություն էր անցկացվել։

Ըստ թեմայի

Փաշինյանն ու Տուսկը զբոսնել են Երևանում Քոչարյանի կողմնակիցների բղավոցների ուղեկցությամբ
ՍԴ–ն վարույթ է ընդունել Քոչարյանի գործով դատարանի հարցադրման առանցքային մասը. Վարդևանյան
Դավիթ Գրիգորյանից առգրավել են փաստաթղթեր, երբ նրան են տվել Քոչարյանի գործի նյութերը
Ռոբերտ Քոչարյանը պահպանել է իր տեղը «Սիստեմա» ԲՖԿ–ի տնօրենների խորհրդում
թեգերը:
ՀՀ դատախազություն, Հատուկ քննչական ծառայություն (ՀՔԾ), ՀՀ Ազգային Անվտանգության ծառայություն. ԱԱԾ, Հայկ Ալումյան, Ռոբերտ Քոչարյան, Հայաստան

Գլխավոր թեմաներ