11:55 09 ապրիլի 2020
Ուղիղ եթեր
  • USD496.58
  • GBP612.23
  • EUR539.43
  • RUB6.56
Քաղաքականություն
Ստանալ կարճ հղումը
273 0 0

ՀՀ նախագահի աշխատակազմի հասարակայնության հետ կապերի վարչությունը մեկնաբանել է, թե ինչու է նախագահը ստորագրել ՍԴ անդամների վաղ կենսաթոշակի օրենքը։ ՀՀԿ–ն ներողություն է խնդրում Արմեն Սարգսյանին նախագահ նշանակելու համար։

ԵՐԵՎԱՆ, 26 դեկտեմբերի — Sputnik. Մինչ ստորագրելը ՀՀ նախագահը հանգամանալից ուսումնասիրել է «Սահմանադրական դատարանի մասին» սահմանադրական օրենքում լրացումներ կատարելու մասին օրենքը և դրա վերաբերյալ քաղաքական ուժերի, հասարակական, քաղաքական գործիչների, իրավաբան-գիտնականների տեսակետները, զանգվածային լրատվամիջոցների հրապարակումները: Հայտնում է ՀՀ նախագահի աշխատակազմի հասարակայնության հետ կապերի վարչությունը` հրապարակավ պատասխանելով նախագահի ստորագրած օրենքի շուրջ տարբեր լրատվամիջոցներից ստացած հարցերին։

«Դիտարկվել է միջազգային փորձագետների կարծիքը, ուսումնասիրվել են oրենքին առնչվող միջազգային փորձը և oրենքի վերաբերյալ Եվրոպայի խորհրդի Իրավունքի միջոցով ժողովրդավարության եվրոպական հանձնաժողովի (Վենետիկի հանձնաժողով) փորձագիտական եզրակացությունը»,– ասված է նախագահականի տարածած հաղորդագրության մեջ։

Սահմանադրական դատարանի անդամներն օրենքի գործողության ընթացքում, նախագահականի մեկնաբանությամբ, կարտահայտեն դրա վերաբերյալ իրենց վերաբերմունքը՝ ընդունելով կամ չընդունելով վաղաժամ կենսաթոշակի անցնելու հնարավորությունը:

Նշենք, որ մինչ այս հայտարարությունը քաղաքական ընդդիմությունն արդեն բացասական եզրակացություն էր տվել նախագահ Արմեն Սարգսյանի` օրենքը ստորագրելու որոշմանը։

Իշխանությունը «ձեռք է մեկնել». Ալեն Սիմոնյանը` սկանդալային օրենքի մասին

ԱԺ նախկին փոխնախագահ Արփինե Հովհաննիսյանը, մեկնաբանելով նախագահի այդ քայլը Facebook-ում գրել էր. «Փաստորեն նախագահի պաշտոնը զբաղեցնող անձն այս անգամ էլ համարեց, որ իրեն «հարմար» չի իր սահմանադրական առաքելությունը կատարելը։ Ավելի հարմար է վարչապետին կից նախագահի գրասենյակի ղեկավար աշխատելը»։

Նա նաև կարծիք է հայտնել, որ երբ Նիկոլ Փաշինյանը որոշի Հայաստանը դարձյալ դարձնել նախագահական կառավարման երկիր, Արմեն Սարգսյանն ինքն էլ ստիպված կլինի գնալ վաղ կենսաթոշակի։

ՀՀԿ փոխնախագահ Արմեն Աշոտյանը նույն սոցիալական հարթակում գրել է, որ Արփինեից լավ չէր կարողանա գրել այդ թեմայով ու բավարարվել է ներողություն խնդրելով։ «Կրկին ներողություն եմ խնդրում Արմեն Սարգսյանին Հայաստանի Հանրապետության նախագահ ընտրելու համար»,– գրել է Աշոտյանը:

Հիշեցնենք, ՀՀ նախագահ Արմեն Սարգսյանն այսօր ստորագրել է «Սահմանադրական դատարանի մասին» սահմանադրական օրենքում լրացումներ կատարելու մասին, «Պաշտոնատար անձանց գործունեության ապահովման, սպասարկման և սոցիալական երաշխիքների մասին» օրենքում լրացում կատարելու մասին ՀՀ օրենքների փաթեթը։

Հրայր Թովմասյանն ու նրա գործընկերները կարող են թոշակի գնալ ու վայելել բյուջեի միլիոնները

Դրանով առաջարկվում է 2018-ի ապրիլի 9-ից առաջ նշանակված ՍԴ յոթ անդամներին նախքան կենսաթոշակի տարիքը լրանալը անցնել վաղ թոշակի:

Փոխարենը նրանց կենսաթոշակը հավասար կլինի այսօր վճարվող աշխատավարձին ու հավելավճարներին։ Այդ հաշվարկով, եթե ՍԴ նախագահն ու վեց դատավորները որոշեն անցնել թոշակի, պետական բյուջեից նրանց տարեկան շուրջ 91 միլիոն դրամ կվճարվի:

Ըստ թեմայի

ՍԴ դատավորների վաղ կենսաթոշակի օրենքն ընդունվեց 1-ին ընթերցմամբ և փոխադարձ մեղադրանքներով
Մելոյան. «ՍԴ-ի շուրջ ստեղծված իրավիճակը չի կարելի որակել որպես ճգնաժամ»
Հայաստանի իշխանության համար ՍԴ–ն միակ անառիկ «կղզյակն» է. պատգամավոր
թեգերը:
Նախագահ, Արփինե Հովհաննիսյան, Արմեն Սարգսյան, Արմեն Աշոտյան, բյուջե, թոշակառու, Թոշակ, Հայաստանի Հանրապետական կուսակցություն (ՀՀԿ), Սահմանադրական դատարան

Գլխավոր թեմաներ