22:33 28 փետրվարի 2021
Ուղիղ եթեր
  • USD527.96
  • GBP736.03
  • EUR640.20
  • RUB7.08
Քաղաքականություն
Ստանալ կարճ հղումը
9710

Կազմակերպիչները նաև տեսաուղերձ են պատրաստել, որով հորդորում են քաղաքացիներին միանալ հանրահավաքին։

ԵՐԵՎԱՆ, 8 դեկտեմբերի - Sputnik. Ընդդիմությունը վաղը նորից հանրահավաք կանցկացնի` վարչապետ Նիկոլ Փաշինյանի հրաժարականի պահանջով։ Այս մասին տեղեկանում ենք Հայրենիքի փրկության շարժման ներկայացուցիչ, ՀՅԴ անդամ Իշխան Սաղաթելյանի ֆեյսբուքյան էջից։

«Այսօր Հայաստանի բազմաթիվ արժանապատիվ քաղաքացիներ խաղաղ քաղաքացիական անհնազանդության ակցիաներ են իրականացրել Հայաստանի ողջ տարածքում։ Վաղը շարունակում ենք նույն կերպ։ Նույն ոգով։ Նույն վճռականությամբ։ Օրվա երկրորդ կեսին՝ ժամը 16։00-ին, հանդիպում ենք ՀՀ Ազգային ժողովի դիմաց և ժողովրդի կամքը պարտադրում իշխող ռեժիմին։ Միասին փրկենք մեր Հայրենիքը», – ասված է Սաղաթելյանի գրառման մեջ։

Հանրահավաքի կազմակերպիչները նաև տեսաուղերձ են պատրաստել, որով հորդորում են քաղաքացիներին միանալ բողոքի ակցիային։

«Պահանջիր դավաճանի հրաժարականը, կերտիր երկրիդ, ընտանիքիդ, քո արժանապատիվ ապագան», – ասված է տեսանյութում։

Նշենք, որ Նիկոլ Փաշինյանի հրաժարականը պահանջող ընդդիմադիր ուժերի տված վերջնաժամկետն ավարտվել է այսօր՝ ժամը 12։00–ին։

«Առանց Նիկոլ Հայաստան». ի՞նչ էր կատարվում Մաշտոցի պողոտայում. տեսանյութ

ՀՅԴ Հայաստանի ԳՄ ներկայացուցիչ Իշխան Սաղաթելյանը կեսօրին ուղիղ եթերում հայտնել էր, որ Հայրենիքի փրկություն շարժումը սկսում է խաղաղ անհնազանդության ակցիաններ իրականացնել։ Արդյունքում Երևանի տարբեր հատվածներում փողոցներ փակվեցին։ Ոստիկանության բերման ենթարկվեց 81 ակցիայի մասնակից։

Այսօր Նիկոլ Փաշինյանի հրաժարականի հորդոր-պահանջով հանդես են եկել Ամենայն հայոց կաթողիկոս Գարեգին 2-րդն ու Մեծն Տան Կիլիկիո կաթողիկոս Արամ Առաջինը։

Հիշեցնենք, որ վարչապետի հրաժարականի պահանջով բողոքի ակցիաները սկսվել են Արցախի վերաբերյալ նոյեմբերի 9-ին եռակողմ հայտարարության ստորագրումից հետո։

Ըստ թեմայի

Քաղաքացիները կաթվածահար են արել Երևանի մետրոպոլիտենի երթևեկությունը. տեսանյութ
Նիկոլ Փաշինյանի հրաժարականը պահանջողները փորձում են փակել Երևանի փողոցները
Տրված ժամանակը լրացավ. ընդդիմությունը հայտարարեց անհնազանդության ակցիաների մեկնարկի մասին

Գլխավոր թեմաներ