18:23 20 հունվարի 2021
Ուղիղ եթեր
  • USD519.19
  • GBP711.08
  • EUR629.57
  • RUB7.08
Քաղաքականություն
Ստանալ կարճ հղումը
349 0 0

Արման Թաթոյանը հայտարարություն է տարածել` անդրադառնալով Ադրբեջանի կողմից տարածված այն լուրերին, թե Հադրութի մոտ մարտեր են տեղի ունեցել։

ԵՐԵՎԱՆ, 28 դեկտեմբերի – Sputnik. ՀՀ մարդու իրավունքների պաշտպան Արման Թաթոյանը հրավիրել է միջազգային հանրության և միջազգային կառույցների ուշադրությունը՝ երաշխավորելու համար գերիների փոխանակման և զոհվածների մարմինների փոխանակման առաքելության անընդհատությունը։ ՄԻՊ–ը նման հայտարարությամբ է հանդես եկել` անդրադառնալով ադրբեջանական կողմի տարածած այն լուրերին, թե Ադրբեջանի վերահսկողության ներքո գտնվող Տող գյուղի մոտակայքում տեղի է ունեցել մարտեր։

«Այս լուրերի հրապարակումից հետո պաշտոնական հրատապ հարցումներով դիմել եմ ՀՀ պաշտպանության նախարարություն և Արցախի պաշտպանության բանակին: Երկու գերատեսչություններն էլ կտրականապես հերքել են տարածվող տեղեկությունները՝ հավաստիացնելով, որ հրադադարի ռեժիմը խստորեն պահպանվում է։ Զգուշացնում եմ, որ հետպատերազմական շրջանում զինված բախման տանող որևէ սադրանք չի կարող խաթարել գերիների վերադարձի և զոհվածների մարմինների փոխանակման գործընթացը»,–նշված է Թաթոյանի ֆեյսբուքյան էջում տարածված հայտարարության մեջ։

Ավելին, ՄԻՊ–ի աշխատակազմն արձանագրել է, որ դեկտեմբերի 28-ին՝ ժամը 12:45-ի սահմաններում իրանական «MiranPress» տելեգրամյան ալիքը, վկայակոչելով իր աղբյուրները, հայտնել է, որ Հադրութի շրջանում մարտեր են տեղի ունեցել ոչ թե Արցախի և Ադրբեջանի զինված ուժերի միջև, այլ ադրբեջանցի զինծառայողներն են կրակել միմյանց վրա. կրակոցների հետևանքով ունեն 3 զոհ:

Գերիներից մեկին շտապօգնության մեքենայով են տեղափոխել «Էրեբունի» ավիաբազայից. WarGonzo

Թաթոյանը հայտնել է, որ հայտարարությունն իր ստորագրությամբ հասցեական սկզբունքով կուղարկվի միջազգային մարմիններին:

Հիշեցնենք, որ Արցախի արտակարգ իրավիճակների պետական ծառայության տեղեկատվության և հասարակայնության հետ կապերի բաժնի պետ Հունան Թադևոսյանը Sputnik Արմենիայի հետ զրույցում ասել էր, որ ադրբեջանական կողմը չի թույլատրել այսօր Հադրութի ուղղությամբ որոնողափրկարարական աշխատանքներ իրականացնել։ Հատուկ ջոկատներին մի քանի ժամ սպասեցրել էին Հադրութի մոտ և հետ էին ուղարկել։

Հավելենք նաև, որ այսօր հայկական կողմին է վերադարձվել 4, ադրբեջանական կողմին՝ 2 գերի։

Ըստ թեմայի

Անհնազանդության ակցիաներ. անհետ կորածների ու գերիների ծնողները փակում են Երևանի փողոցները
«Բոլոր գերիներին անխտիր հետ ենք բերելու». խոստանում է Արայիկ Հարությունյանը
«Կօգնեմ վերադարձնել գերիներին»․ ո՞վ էր ՀՀ կառավարության դիմաց կանգնած տղամարդը
թեգերը:
Ադրբեջան, Արցախ, գերի, Արման Թաթոյան

Գլխավոր թեմաներ