14:02 17 նոյեմբերի 2019
Ուղիղ եթեր
  • USD477.57
  • GBP614.78
  • EUR526.28
  • RUB7.48
Սուրեն Պարսյան
© Photo : provided by Suren Parsyan

Պարսյան. «Սոցիալական նպաստների համակարգը չի խրախուսում աշխատանքը»

ՌԱԴԻՈ
Ստանալ կարճ հղումը
57 0 0

Տնտեսագետը կարծում է, որ մարդիկ խուսափում են կարճաժամկետ աշխատանք գտնելուց, քանի որ դա նպաստից զրկվելու պատճառ կդառնա։

 

Տնտեսագետ Սուրեն Պարսյանը Sputnik Արմենիայի հետ զրույցում անդրադարձել է գործազրկության խնդրին ու նշել, որ այս տարի նախորդ տարվա համեմատ ունենք գործազրկության ավելի բարձր ցուցանիշ՝ մոտ 22 տոկոս, ինչը հիմնականում պայմանավորված է նրանով, որ աշխատանքի առաջարկն ավելի արագ է եղել, քան տնտեսությունը կարողացել է մարդկանց աշխատանքով ապահովել։

«Ցանկացած երկրում գոյություն ունի նման խզում, ինչը հիմնականում պայմանավորված է մի քանի հանգամանքով. առաջինը՝ աշխատավարձի մեծությամբ, երկրորդը՝ մասնագիտական պատրաստվածությամբ, այսինքն՝ չկան այն կադրերը, որոնք պատրաստ են այդ աշխատանքը կատարել, ինչը նույնպես լուրջ խնդիր է, և երրորդը՝ պետական աշխատանքի ապահովման քաղաքականության թերակատարմամբ կամ բացակայությամբ, այսինքն՝ պետությունը չի կարողանում այնպես կազմակերպել աշխատանքային քաղաքականությունը, որպեսզի թափուր տեղերն ապահովի համապատասխան կադրերով»,-նշեց Պարսյանը:

Ծնելիության խրախուսման նոր ծրագրեր. ի՞նչ է նախատեսում կառավարությունը 2020թ.–ից

Տնտեսագետի կարծիքով՝ դրա համար անհրաժեշտ են համալիր քայլեր՝ սկսած կրթությունից, վերապատրաստումից, վերջացրած զբաղվածության պետական տարբեր գործակալությունների ակտիվ աշխատանքով, սակայն այս շղթան մեզ մոտ ինչպես նախկինում, այնպես էլ այսօր չի աշխատում:

Թոշակները 2020 թվականի հունվարի 1-ից կբարձրանան

Շատ կարևոր հանգամանք է և այն, որ մեր սոցիալական համակարգը, մասնավորապես՝ նպաստների համակարգը չի խրախուսում աշխատանքը, քանի որ մարդը թեկուզ մեկ անգամ որևէ նույնիսկ կարճաժամկետ աշխատանք կատարելով՝ կզրկվի այդ նպաստից, հետևաբար, մարդն իր համար գնահատում է իրավիճակը և գերադասում չաշխատել կարճ ժամանակով, որպեսզի չզրկվի նպաստից կամ գործազուրկի կարգավիճակով պայմանավորված սոցիալական արտոնություններից, կոմունալ վճարումների ու առողջապահական ոլորտի զեղչերից:

Ըստ թեմայի

Հայաստանը վերածվում է ավտոգերեզմանոցի, կամ ինչն է նպաստել տնտեսական աճին
Ամեն դեսպան պետք է ներկայացնի, թե ինչպես կարող է նպաստել ներդրումներ բերելուն. Մնացականյան
Առանց նպաստի, 31 000 դրամ թոշակով. 65–ամյա կնոջ տունը սկսվում և ավարտվում է ննջասենյակով
Ֆեյք թոշակառուներ ու նպաստառուներ. ինչպես է բարեփոխվելու սոցիալական ապահովության համակարգը
թեգերը:
Նպաստ, Սուրեն Պարսյան, տնտեսագետ, Հայաստան

Գլխավոր թեմաներ