01:30 10 դեկտեմբերի 2019
Ուղիղ եթեր
  • USD477.97
  • GBP628.91
  • EUR528.87
  • RUB7.49
Գագիկ Մակարյան
© Sputnik / Andranik Ghazaryan

Մակարյան. «Համարյա բոլոր տեսչական մարմինները պատրաստ չեն ստուգումներ իրականացնել»

ՌԱԴԻՈ
Ստանալ կարճ հղումը
32 0 0

Գործատուների հանրապետական միության նախագահ Գագիկ Մակարյանը կարծում է, որ «ՀՀ-ում ստուգումների կազմակերպման և անցկացման մասին» օրենքում փոփոխություններ և լրացումներ կատարելու մասին օրենքի նախագիծը ՀՀ-ում կոռուպցիան վերացնելու լավագույն ճանապարհը չէ։

Փորձը ցույց է տալիս, որ ստուգումները չէ, որ ձեռնարկատերերին դուրս են բերում ստվերից: Այն ամենավատ գործիքն է: Այս մասին Sputnik Արմենիայի հետ զրույցում ասաց Հայաստանի գործատուների հանրապետական միության նախագահ Գագիկ Մակարյանը։

Ըստ նրա՝ եթե խոսենք, թե ո՞ր ստուգող մարմիններն են պատրաստ հանկարծակի գնալ և ստուգում իրականացնել, պարզ կդառնա, որ բացի հարկային մարմիններից, համարյա բոլոր տեսչական մարմինները պատրաստ չեն այդ գործառույթը ստանձնել, որովհետև մինչ օրս հաստատված չեն իրենց ստուգման թերթիկները` ի՞նչը պետք է ստուգեն և ինչպե՞ս ստուգեն:

«Իսկ որո՞նք են այն նորմատիվները, որոնց համաձայն պետք է կատարվեն ստուգումները: Դրանք նույնպես հաստատված չեն: Ստուգող մարմինների ձեռքերը կաշկանդված են, քանի որ պետական համապատասխան մարմիններն իրենց որոշումներով, կանոնակարգերի մշակումով, նորմատիվների սահմանումով քանի տարի է` գտնվում են «դրեյֆային» վիճակի մեջ: Ու եթե գնան անօրինական ստուգումների, կհայտնվեն անելանելի վիճակի մեջ, որովհետև դատարան դիմելիս ձեռնարկատերերն իսկույն կշահեն դատը»,- նշեց Մակարյանը:

Ինչ «ճակատագիր» կունենա ծխախոտը. Սարգսյանը` ԵԱՏՄ-ում ակցիզային հարկի դրույքաչափի մասին

Նրա դիտարկմամբ՝ գուցե, ոմանք համոզել են պետական այրերին, որ այս տարբերակն արդյունավետորեն կգործի, սակայն պետությունն այս կերպ կոռուպցիան վերացնելու լավ ճանապարհ չի ընտրել: Անկախ ամեն ինչից, կոռուպցիայի ու ստվերի դեմ տարվող պայքարը, ստուգումներին առնչվող նախաձեռնությունները  ձեռնարկատերերին դարձրել է ավելի զգոն և զգուշավոր:

Անարգել արտահանում. հայկական բաստուրման Ռուսաստան առաքելու սահմանափակումներ չկան

Նշենք, որ  ՀՀ-ում ստուգումների կազմակերպման և անցկացման մասին» ՀՀ օրենքում փոփոխություններ և լրացումներ կատարելու մասին օրենքի նախագծով նախատեսվում է վերացնել չափագիտական վերահսկողություն իրականացնելիս` ստուգումը սկսելուց առնվազն երեք աշխատանքային օր առաջ, տնտեսվարող սուբյեկտին տեղեկացնելու մասին պահանջը:

Ըստ թեմայի

Չինական կողմի հետ ՀՀ կառավարությունը բանակցում է նոր պղնձաձուլարանի կառուցման շուրջ
Մանկապարտեզում «Զինվորի բաժին. վաճառքի ենթակա չէ» մակնշմամբ թթվասեր է հայտնաբերվել
Երևանի խանութներից մեկում ժամկետանց սննդամթերք է հայտնաբերվել. լուսանկարներ
Որտե՞ղ են ԵԱՏՄ–ի` սննդի անվտանգության տեսչական մարմնին նվիրած 4 շքեղ մեքենաները
թեգերը:
կոռուպցիա, նախագիծ, հարկային օրենսգիրք, ստուգումներ, Գագիկ Մակարյան, Հայաստան

Գլխավոր թեմաներ