02:46 28 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70

ԱԷԿ–ի շահագործման ժամկետը կերկարաձգվի. Պետրոսյանը խոսել է արածի և առաջիկա անելիքների մասին

ՌԱԴԻՈ
Ստանալ կարճ հղումը
207 0 0

«Հայատոմ» գիտահետազոտական ինստիտուտ» ՓԲԸ գլխավոր տնօրեն, «Հայկական ատոմային էլեկտրակայան» ՓԲԸ տնօրենների խորհրդի նախագահ, տեխնիկական գիտությունների դոկտոր, պրոֆեսոր Վահրամ Պետրոսյանը Sputnik Արմենիայի եթերում անդրադարձել է ԱԷԿ–ի վարկավորման պատմության հանգուցալուծմանը։

ԱԷԿ–ի շահագործման ժամկետը կերկարաձգվի. Պետրոսյանը խոսել է արածի և առաջիկա անելիքների մասին

«Հայատոմ» գիտահետազոտական ինստիտուտ» ՓԲԸ գլխավոր տնօրեն, «Հայկական ատոմային էլեկտրակայան» ՓԲԸ տնօրենների խորհրդի նախագահ, տեխնիկական գիտությունների դոկտոր, պրոֆեսոր Վահրամ Պետրոսյանի խոսքով` ՀՀ կառավարությունը պետբյուջեից 123 միլիոն դոլարի չափով վարկ տվեց ԱԷԿ–ին, որպեսզի շահագործման ժամկետի երկարացման աշխատանքները կատարվեն մինչև վերջ, որից մի մասը` մոտ 41 միլիոն դոլարը, կնքված պայմանագրի համաձայն, տրամադրվելու է «Ռուսատոմսերվիս» կազմակերպությանը, որպեսզի վերջինս կատարի աշխատանքները։

«Բացի դրանից, հայկական կողմն աշխատում է այնպես, որ որքան հնարավոր է շատ հայկական ձեռնարկություններ ներգրավվեն աշխատանքներում։ Դա հնարավորություն կտա տեղում վերահսկել գործընթացը, հետևել որակի ապահովմանը, իսկ աշխատանքների ավարտը նախանշված է 2022 թվականին»,– Sputnik Արմենիայի հետ զրույցում ասաց նա։

Պետրոսյանի դիտարկմամբ` քանի դեռ հայկական ԱԷԿ–ը շահագործվում է, դրա անվտանգությանը պետք է պատշաճ ուշադրություն դարձնել, հետևաբար այս պահին կատարվում են այն աշխատանքները, որոնք անհրաժեշտ են ԱԷԿ-ի կյանքի տևողության, իրագործման ժամկետի երկարացման համար։

Ինչպես երկարացնել հայկական ատոմակայանի կյանքը. փորձագետը նշում է գլխավոր հարցերը

«Կատարվել  է կոմպլեքս հետազոտություն, նշվել է, թե որ սարքավորումները պետք է փոխվեն։ Գալիք տարում անպայման կիրականացվի ջերմային մշակում, որոշ համակարգերի վերանորոգում, գեներատորների փոփոխում և այլն։ Աշխատանքների իրագործումից հետո հնարավորություն կունենանք ԱԷԿ–ի շահագործման ժամկետը երկարաձգել մինչև 2027 թվականը»,– նշեց Պետրոսյանը։

Ըստ նրա` արդեն իսկ կատարվել են այնպիսի ծավալի աշխատանքներ, որ ԱԷԿ–ի շահագործման ժամկետը կարող է 2027 թվականից հետո էլ երկարաձգվել։ «Հայատոմ» գիտահետազոտական ինստիտուտը ներկայումս աշխատում է ԱԷԿ–ի երկրորդ էներգաբլոկի անվտանգության հիմնավորման հաշվետվության վրա, որից հետո կներկայացվեն այն դեֆիցիտները, որոնք մոդեռնիզացիայից հետո տակավին մնում են։ Պետրոսյանի խոսքով` հաշվետվությունն անհրաժեշտ է, որպեսզի ատոմակայանը եկող տարի ստանա շահագործումը շարունակելու համապատասխան արտոնագիր։

Ատոմակայանը հրաժարվում է վճարել 10 մլն դրամ տուգանքը. ով ում գծին է կպել՝ դեռ հարց է

Հիշեցնենք՝ ՀՀ կառավարությունը հրաժարվել էր ռուսական վարկից, որը պետք է ուղղվեր ատոմակայանի շահագործման ժամկետի երկարացման հետ կապված խնդիրների լուծմանը։ Այն ժամանակ նախատեսվում էր աշխատանքները ավարտին հասցնել 2019թ.–ի վերջին, սակայն դրանք տարբեր պատճառներով մնացել էին անավարտ։

Ըստ թեմայի

Եվրոպական օմբուդսմանի ինստիտուտին մտահոգել է Ադրբեջանի` ԱԷԿ–ի հետ կապված հայտարարությունը
Հայկական ԱԷԿ-ը կանգնեց պլանային վերանորոգման
Էլեկտրականությունը 2020թ–ին. հայկական ԱԷԿ–ի առաջ ծառացած խնդիրներն ու գազի գործոնը
Հատուկ չվերթ․ ՌԴ մասնագետները Հայաստան են եկել ԱԷԿ-ի վերանորոգման վերջին փուլի համար
թեգերը:
կառավարություն,  Վահրամ Պետրոսյան, Հայաստանի Ատոմային էլեկտրակայան (ԱԷԿ), Հայաստան

Գլխավոր թեմաներ