18:43 19 ապրիլի 2021
Ուղիղ եթեր
  • USD522.21
  • GBP725.66
  • EUR628.69
  • RUB6.87

Չարժե Նիկոլ Փաշինյանի խոսքերին լուրջ վերաբերվել. քաղաքագետ

ՌԱԴԻՈ
Ստանալ կարճ հղումը
173 0 0

Քաղաքագետ Արմեն Բաղդասարյանը Sputnik Արմենիայի եթերում անդրադարձել է մարտի 1-ին կայացած հանրավահավքում Նիկոլ Փաշինյանի ելույթի կարևոր դրույթներին, մասնավորապես արտահերթ ընտրություններ անցկացնելուն, ինչպես նաև ԶՈւ Գլխավոր շտաբի պետին առնչվող հարցին։ 

Բաղդասարյան. «Եթե ԳՇ պետը չի ենթարկվում, ուրեմն Փաշինյանը չի կարողացել իրականացնել պետության ղեկավարումը»

Արմեն Բաղդասարյանի դիտարկմամբ` չարժե Նիկոլ Փաշինյանի խոսքերին լուրջ վերաբերվել, որովհետև այսօր նա կարող է ինչ–որ բան ասել, հաջորդ օրը՝ մեկ այլ բան, երրորդ օրը՝ բոլորովին ուրիշ բան, այսինքն` եթե հայտարարում է արտահերթ ընտրություններ անցկացնելու մասին, դա չի նշանակում, որ պատրաստ է արտահերթ ընտրությունների։

«Դա ընդամենը նշանակում է, որ ինքն այս պահին հարմար է գտնում և այդպես է արտահայտվում, ուստի պետք չէ դրան լուրջ վերաբերվել։ Դա մանիպուլյացիա է, քաղաքական խաղ է, իշխանությունը երկարաձգելու փորձ է։ Չեմ կարծում, որ այդ փորձը հաջողությամբ կպսակվի, որովհետև մենք տեսանք, թե նա ինչ իրավիճակում է, ինչպիսի ռեսուրսներ է ներդրել մարտի 1-ի հանրահավաքը կազմակերպելու գործում, և կարծում եմ, որ դա քաղաքական հոգեվարք է, ինչը նա փորձելու է առավելագույնս երկարաձգել»,– նշեց քաղաքագետը։

Բաղդասարյանի կարծիքով` եթե պետության ղեկավարն ասում է, որ ԶՈւ Գլխավոր շտաբի պետն իրեն չի ենթարկվում, նշանակում է, որ ինքը որպես պետության ղեկավար չի կարողացել իրականացնել պետության ղեկավարումը, հետևաբար այստեղ բոլոր մյուս դիտարկումները դառնում են երկրորդական։ 

«Երկրում առկա քաղաքական ճգնաժամի միակ ողջամիտ հանգուցալուծումն, իհարկե, արտահերթ ընտրություններն են, ցանկալի է առանց Փաշինյանի, բայց ես լիահույս չեմ, որ դա տեղի կունենա։ Ամեն դեպքում և հակառակ պարագայում դա քիչ թե շատ ողջամիտ միակ լուծումն է»,– նշեց քաղաքագետը։

«Դըմփ–դըմփ–հու»–երով «փարթին» անարգանք է Արցախի, զոհերի ու գերիների նկատմամբ. Զոհրաբյան

Բաղդասարյանի գնահատմամբ` նախկին իշխանություններն իհարկե ընտրակեղծիքների մեծ փորձ ունեն, բայց Նիկոլ Փաշինյանն էլ, դատելով նրա գործողություններից, ադմինիստրատիվ ռեսուրսը կիրառելու ունակությունից, նույնպես ամենայն հավանականությամբ կփորձի կեղծել ընտրությունները։ 

Ըստ թեմայի

Բանակը ճիշտ է արել, և վարչապետն իրավունք չունի հետապնդելու հրամանատարներին. Սեյրան Օհանյան
Մարուքյանը Փաշինյանից պահանջում է ապացուցել Օնիկ Գասպարյանի մասին իր ասածը
«Եթե նկատել եք, երկրում ճգնաժամ է». ընդդիմությունն ԱԺ նախագահից կոնկրետ քայլեր է ակնկալում
թեգերը:
Ընտրություններ, Նիկոլ Փաշինյան, Արմեն Բաղդասարյան (քաղաքական մեկնաբան)

Գլխավոր թեմաներ