04:58 05 հունիսի 2020
Ուղիղ եթեր
  • USD482.11
  • GBP603.94
  • EUR539.87
  • RUB6.97
Տարածաշրջան
Ստանալ կարճ հղումը
49 0 0

Վրաստանում ընդդիմադիրներն ու նրանց կողմնակիցները փակել են խորհրդարանի բոլոր մուտքերը և խորհրդարանական արտահերթ ընտրություն են պահանջում: Իշխանությունն էլ իր հերթին չի պատրաստվում անսալ ընդդիմադիրների պահանջներին։

ԵՐԵՎԱՆ, 18 նոյեմբերի – Sputnik. Վրաստանում արտահերթ ընտրություններ չեն անցկացվի, դրանք տեղի կունենան սահմանված ժամկետներում և գործող սահմանադրությամբ։ Այս մասին հայտնել է «Վրացական երազանք» կուսակցության գլխավոր քարտուղար Կախա Կալաձեն։ Այս մասին հայտնում է Sputnik Գրուզիան։

«Մինչ ընտրությունների անցկացումը մեկ տարուց քիչ ժամանակ է մնացել։ Ընտրությունները կանցկացվեն խառը ընտրական համակարգով՝ գործող սահմանադրությամբ, ըստ սահմանված կանոնների և ամսաթվերի։ Մեր մրցակիցներին կոչ ենք անում պատրաստվել ընտրություններին»,- ասել է Կալաձեն այսօր կայացած ճեպազրույցի ժամանակ։

Նա խորհրդարանի մուտքն արգելափակող ընդդիմադիրների գործողություններն անօրինական է համարել և նշել, որ բողոքի ակցիաների շարունակության դեպքում իշխանությունը համապատասխան որոշում կընդունի։

Ընդդիմադիրներն ու նրանց կողմնակիցներն էլ երեկվանից փակել են խորհրդարանի բոլոր մուտքերը և պահանջում են խորհրդարանական արտահերթ ընտրություն անցկացնել: Պատգամավորները չեն կարողանում մտնել խորհրդարանի շենք:

Թբիլիսիում մի քանի հազար ցուցարարներ բողոքի ակցիա են իրականացնում. լուսանկարներ

Հիշեցնենք, որ Թբիլիսիում զանգվածային բողոքի ցույցեր են սկսվել, քանի որ խորհրդարանը տապալել է ընդդիրմադիրների` խառը ընտրական համակարգից համամասնականի անցնելու սահմանադրական բարեփոխումների պահանջը: Ցուցարարները պնդում են, որ բողոքի ակցիաները կշարունակեն այնքան ժամանակ, քանի դեռ իրենց պահանջները չեն կատարվել:

Իրանում զանգվածային ցույցեր են. ԱՄՆ–ն աջակցում է բողոքի ակցիայի մասնակիցներին

Ավելի վաղ Վրաստանում իշխող «Վրացական երազանք» կուսակցության նախագահ Բիձինա Իվանիշվիլին խոստացել էր, որ 2020 թվականի ընտրությունները կանցկացվեն համամասնական ընտրակարգով, որից հետո հոկտեմբերի վերջին խորհրդարանն անցավ Սահմանադրության մեջ համապատասխան փոփոխություններ անելուն, սակայն իշխող կուսակցության պատգամավորներից շատերը, որոնք ընտրվել էին մեծամասնական համակարգով, չաջակցեին այս ծրագրին, ինչի պատճառով այն տապալվեց:

Ըստ թեմայի

Մելիքյան. «Վրացական զարգացումները զերծ են արտաքին ազդեցությունից»
Ոսկանյան. «Իրանում ապոկալիպտիկ սցենարներ պետք չէ սպասել»
Հակոբյան. «Տևական բողոքի ակցիաներն ազդում են իշխանության վարքագծի վրա»
Արայիկ Հարությունյանը պատրաստ է աղմկահարույց հարցը քննարկել շահագրգիռ կողմերի հետ
թեգերը:
Բողոքի ակցիա, Ընտրություններ, ընդդիմություն, Իշխանություն, Վրաստանի Հանրապետություն

Գլխավոր թեմաներ