09:26 21 մայիսի 2018
Ուղիղ եթեր
Самолет российской авиакомпании Победа

«Պոբեդա» ընկերությունն առաջին 10 ժամվա ընթացքում 2.7 հազար տոմս է վաճառել

© Sputnik / Сергей Пивоваров
Ռուսաստան
Ստանալ կարճ հղումը
139 0 0

«Պոբեդա» ավիաընկերությունը բացել է միջազգային չվերթերի տոմսերի վաճառք: Դեպի արտերկիր «Պոբեդայի» թռիչքները կարող են շատ լուրջ փոխել իրավիճակը ավիափոխադրումների շուկայում: Դեպի այդ քաղաքներ թռիչքների արժեքը գրեթե 50% ավելի ցածր է մրցակիցների առաջարկած գներից

ԵՐԵՎԱՆ, 12 նոյեմբերի — Sputnik. «Աերոֆլոտի» ցածր բյուջետային դուստր «Պոբեդա» ավիաընկերությունը հինգշաբթի վաճառքների առաջին տասը ժամվա ընթացքում իրացրել է 2 հազար 700 տոմս իր առաջին միջազգային ուղղություններով դեպի Բրատիսլավա և Վիեննա, հայտնել է ավիաընկերության պաշտոնական ներկայացուցիչը:


«Վաճառվել է շուրջ 2700 տոմս դեպի Բրատիսլավա և Վիեննա: Դեպի այդ ուղղություններ տոմսերի վաճառքը սկսվել է գիշերվա ժամը մեկին (Մոսկվայի ժամանակով)», — հայտնել է ավիափոխադրողի պաշտոնական ներկայացուցիչը: Նա պարզաբանել է, որ Վիեննա մեկնող ուղևորները Մոսկվայից Բրատիսլավա «Պոբեդայի» երթուղին օգտագործում են` չվերթում ներառված մինչև Վիեննա ավտոբուսով տեղափոխմամբ:


Դեպի Բրատիսլավա տոմսերի նվազագույն արժեքը, ինչպես ավելի վաղ հայտնել էր ավիաընկերությունը, կազմում էր 999 ռուբլի: Դեպի Վիեննա  տոմսերի (քաղաքների միջև եղած հեռավորությունը 60 կմ է) արժեքը կազմում է 1500 ռուբլի, քանի որ տոմսի արժեքը ներառում է ավտոբուսի տոմսի գինը՝ շուրջ 7 եվրո: Ավտոբուսը ժամանում է Վիեննայի կենտրոնական կայարան:


«Դեպի արտերկիր «Պոբեդայի» թռիչքները կարող են շատ լուրջ փոխել իրավիճակը ավիափոխադրումների շուկայում: Առաջիններից, ով կզգա այդ երևույթի շահեկանությունը, կլինեն Վիեննան և Բրատիսլավան: Դեպի այդ քաղաքներ թռիչքների արժեքը գրեթե 50% ավելի ցածր է մրցակիցների առաջարկած գներից` առանց ակցիայի տոմսերի գները հաշվի առնելով: Ակնհայտ է, որ այդ պայմաններում «Պոբեդան» կկարողանա շուկայի զգալի մասին տիրանալ՝ ավելի թանկ ավիաընկերություններից ուղևորներին դեպի իր կողմ գրավելով: Բացի այդ,  սա լուրջ խթան կլինի, որպեսզի զբոսաշրջիկներն ընտրեն այդ ուղղությունները, այդ թվում` ամանորյա տոների շրջանում», — ասել է Pososhok.ru-ի տոմսերի վաճառքով զբաղվող գործակալության գլխավոր տնօրեն Կիրիլ Ֆամինսկին:


Նա որպես օրինակ նշում է, որ  դեկտեմբերի 16-ին Մոսկվայից դեպի Վիեննա թռիչքի արժեքն ուղեբեռի հետ միասին կազմում է 6196 ռուբլի  (առանց ուղեբեռի՝ 4697 ռուբլի), այն ժամանակ, երբ «Աերոֆլոտի» ամենամատչելի թռիչքը կկազմի 11521 ռուբլի:

«Վստահաբար կարելի է ասել, որ «Պոբեդան» զգալի ազդեցություն կունենա այն ուղղությունների գնակազմավորման վրա, որոնք նա կիրականացնի, և մրցակիցները պետք է հարմարվեն դրան, որպեսզի շուկայում ունեցած իրենց մասնաբաժինը չկորցնեն», — եզրափակել է Ֆամինսկին:

Գլխավոր թեմաներ