17:43 29 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Ռուսաստան
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (556)
132 0 0

Ռուսաստանի նախագահի մամուլի քարտուղարն ընդգծել է, որ համանախագահ երկրների դիվանագիտական գերատեսչություններն ակտիվ շփվում են ղարաբաղյան հիմնախնդրի շուրջ:

ԵՐԵՎԱՆ, 16 նոյեմբերի - Sputnik. ԱՄՆ-ն և Ֆրանսիան, լինելով ԵԱՀԿ Մինսկի խմբի համանախագահներ, ժամանակին պարզաբանումներ կստանան հայ-ադրբեջանական հակամարտության գոտում հրադադարի մասին համաձայնագրի մանրամասների և դրանում Թուրքիայի դերի մասին, լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը:

«Եթե Մինսկի խմբի համանախագահ մեր գործընկերները պարզաբանումների կարիք ունեն, դրանք, անկասկած, կներկայացվեն»,- ասել է Պեսկովը:

Նրա խոսքով ՝ համանախագահ երկրների դիվանագիտական գերատեսչություններն ակտիվ շփվում են ղարաբաղյան հիմնախնդրի շուրջ ։

Պատասխանելով հարցին, թե ԱՄՆ-ն ու Ֆրանսիան պե՞տք է զգուշանան Ղարաբաղյան հակամարտության կարգավորման հարցում Թուրքիայի դերի ուժեղացումից, ՌԴ նախագահի մամուլի քարտուղարն ասել է, որ դա վերաբերում է զուտ Թուրքիայի Հանրապետության հետ երկկողմ հարաբերություններին:

«Ինչ վերաբերում է համատեղ համանախագահության կարգավիճակին, ապա, իհարկե, մեզ համար գլխավոր հարցն է` հետաքրքրվել, թե ինչպես պահպանել Լեռնային Ղարաբաղում վերջերս հաստատված խաղաղությունը», — ասել է Պեսկովը:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Հայաստանի, Ադրբեջանի և Ռուսաստանի առաջնորդների եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորակազմ ՝ 1960-ական զինծառայողներով,  հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

 

թեմա:
Իրադրությունը Հայաստանում և Արցախում հայտարարության ստորագրումից հետո (556)

Ըստ թեմայի

Մոսկվան շահագրգռված է Ղարաբաղում ԿԽՄԿ-ի հետ համագործակցության հարցում․ Լավրով
ԱԽՔ Արմեն Գրիգորյանը ՀԱՊԿ նիստում խոսել է պատերազմում Ռուսաստանի և Թուրքիայի դերերի մասին
Լեռնային Ղարաբաղի վերաբերյալ հայտարարությունը փոփոխելու փորձեր չկան. Լավրով
թեգերը:
Դմիտրի Պեսկով, Ռուսաստան, Արցախ

Գլխավոր թեմաներ