19:56 17 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
Հասմիկ Կարապետյան

Մարդիկ փոխվել են, կարող են չհիշել ծննդյանդ օրը. Հասմիկ Կարապետյանը նշում է իր 42 ամյակը

© Photo : provided by Hasmik Karapetyan
Հասարակություն
Ստանալ կարճ հղումը
185 0 0

Երգչուհին իր ծննդյան խնջույքի, անակնկալների, դստեր բնավորության ու երջանիկ կին լինելու մասին պատմել է Sputnik Արմենիային։

ԵՐԵՎԱՆ, 4 հուլիսի — Sputnik. Այսօր Հասմիկ Կարապետյանի ծննդյան օրն է: Երգչուհին նշում է իր 42-ամյակը. նա դեռ գիշերվանից բազմաթիվ զանգեր ու շնորհավորանքներ է ստանում:

Асмик Карапетян с супругом
© Photo : provided by Hasmik Karapetyan
Հասմիկ Կարապետյանն ամուսնու հետ

«Շնորհավորանքների տեղատարափն ընկերներիս կողմից  սկսվել է դեռ գիշերվանից: Իսկ առերես առավոտյան ամուսինս է առաջինը ծաղկեփնջով շնորհավորել, մնացած անակնկալները կլինեն ավելի ուշ»,– Sputnik Արմենիայի հետ զրույցում ասաց նա։

Երգչուհին իր ծննդյան օրը կանցկացնի մտերիմ ընկերուհուն որդու նշանադրության խնջույքի հետ համատեղ։

«Այսօր ինձ ուրախ օր է սպասվում , որովհետև դեռ ամիսներ առաջ տեղեկացա, որ իմ մտերիմ ընկերուհու տղայի նշանադրության խնջույքին եմ հրավիրված»,- ասաց երգչուհին:

Անդրադառնալով իր ծննդյան խնջույքին` Հասմիկ Կարապետյանը նշեց, որ բալիկի հետ հեշտ չէ մեծ խնջույք կազմակերպելը.

«Երեխայիս՝ Տաթևի  հետ հեշտ չէ կազմակերպել այն ամենն ինչ մենք կցանկանայինք։ Հիմա շարժվում ենք այնպես, ինչպես նա է թելադրում: Աղջիկս խելացի երեխա է, և ունի իր հաստատված բարդ բնավորությունը»,– ասաց երգչուհին։ Հասմիկը խոստովանում է, որ իր ծննդյան տարեդարձին մի քիչ տխրում է.

Асмик Карапетян
© Photo : provided by Hasmik Karapetyan
Հասմիկ Կարապետյան

«Ծննդյանս օրը մի տեսակ սովորական է դարձել, նույնիսկ մի քիչ տխրում եմ, որովհետև տարեց տարի զգում եմ, որ էներգիաս պակասում է, նույնիսկ եթե արտաքնապես չես երևում այնքան, որքան կենսաբանական տարիքդ է: Մարդիկ էլ են փոխվել, սերն ու հոգատարությունը պակասել է: Կան մարդիկ, որոնց հետ տարիներ շարունակ մտերիմ ես, բայց փոքրիկ հեռախոսազանգով, sms հաղորդագրության միջոցով են  շնորհավորում կամ առհասարակ չեն էլ հիշում »,– ասաց երգչուհին։

Նոր ռեկորդ հայկական յութուբում. Օկսի Ավդալյանը շնորհակալություն է հայտնել երկրպագուներին

Վերջում Հասմիկ Կարապետյանն ասաց, որ ընդհանուր առմամբ իրեն երջանիկ կին  և երջանիկ մայր է համարում, թեպետ մարդիկ բացարձակ երջանիկ կամ բացարձակ դժբախտ չեն լինում: Այդ երկու երևույթներն անընդհատ փոխարինում են իրար:

Ըստ թեմայի

Փաստորեն, թոռանը կարելի է երեխայից շատ սիրել․ ծնվել է Արթուր Գրիգորյանի 2-րդ թոռնիկը
Սիրուշոն կնքամայր է դարձել. լուսանկար
Լիլիթ Բաբասյանի շնորհիվ 17–ամյա աղջիկն անճանաչելի է դարձել. լուսանկար
թեգերը:
ծնունդ, երգչուհի, երաժիշտ, երգ, Հայաստան

Գլխավոր թեմաներ