11:04 21 փետրվարի 2020
Ուղիղ եթեր
  • USD478.37
  • GBP617.34
  • EUR516.69
  • RUB7.50
Հասարակություն
Ստանալ կարճ հղումը
14020

Առողջապահության ֆինանսավորման միջազգային խորհրդատու Սամվել Խարազյանը Sputnik Արմենիայի հետ զրույցում անդրադառնում է առաջարկվող բժշկական պարտադիր ապահովագրության փաթեթին, խոսում կրկնակի ապահովագրման մասին։

ԵՐԵՎԱՆ, 8 դեկտեմբերի — Sputnik, Կարինե Հարությունյան. Պարտադիր առողջապահական ապահովագրության անցնելու դեպքում կրկնակի ապահովագրում չի լինելու, այսինքն` աշխատակիցները, որոնց գործատուն տրամադրում է առողջապահական ապահովագրություն, նոր փաթեթ ձեռք բերելու անհրաժեշտություն չեն ունենա։ Այս մասին Sputnik Արմենիայի հետ զրույցում ասաց առողջապահության ֆինանսավորման փորձագետ, առողջապահության ֆինանսավորման միջազգային խորհրդատու Սամվել Խարազյանը։

Նշենք, որ ՀՀ քաղաքացիների համար առողջապահական ծառայություններն անվճար դարձնելու նպատակով նախարարությունը հանդես է եկել առողջապահության պարտադիր հարկ կիրառելու օրենսդրական նախաձեռնությամբ։ Առաջարկվում է նոր հարկատեսակ կիրառել` բոլոր աշխատող քաղաքացիների ամսական աշխատավարձերից 4-6 տոկոսի չափով պահում կատարելով։

«Եթե արդեն իսկ որևէ մեկն ունի ապահովագրություն, ապա գործատուն կարող է նույն կերպ շարունակել վճարել իր աշխատողների փոխարեն։ Ոչ ոք ստիպված չի լինելու լրացուցիչ ծախս կատարել։ Ուղղակի մեր առաջարկած փաթեթի դեպքում դու ապահովագրում ես ոչ միայն քեզ, այլ նաև քո ընտանիքի չաշխատող անդամներին նույնպես, և քո փաթեթով նրանք էլ կարող են օգտվել բոլոր ծառայություններից»,–ասաց Խարազյանը։

ՀՀ քաղաքացիներն ուզո՞ւմ են, որ առողջության պարտադիր հարկ լինի. հարցում

Պարտադիր ապահովագրությունը, ըստ մասնագետի, կարևոր է նրանով, որ ոչ ոք երաշխավորված չէ, որ վաղը չի կորցնի աշխատանքը, իսկ ապահովագրությունն այն երաշխիքն է, որը մարդուն հնարավորություն կտա աշխատանքը կորցնելու դեպքում ընտանիքի մեկ այլ աշխատող անդամի փաթեթով բժշկական ծառայություններից օգտվել։

Հարցին, թե ինչո՞ւ է ապահովագրական փաթեթն առաջարկվում պարտադիր սկզբունքով` արդյո՞ք ինչ-որ փորձից ելնելով են եզրահանգմանը եկել, որ կամավոր սկզբունքով այն չի «աշխատի» ՀՀ–ում` Խարազյանը պատասխանեց, թե վիճակագրությունից ելնելով են նման որոշում կայացրել։

«Հասարակության մի հատվածը` 20 տոկոսը, բժշկի չի հաճախում ֆինանսական խնդիրների պատճառով։ Ես ինքս էլ հակված չեմ բժշկի գնալ, սակայն մի հետաքրքիր ասացվածք կա` վիճակագրությանը բոլորը ծանոթ են, սակայն ոչ ոք չի մտածում, որ ինքն էլ կարող է վիճակագրության մաս դառնալ։ Բացի այդ, սովորաբար առողջական խնդիրներն անկանխատեսելի են ի հայտ գալիս ու անակնկալի բերում մեզ»,–ասաց Խարազյանը։

Գաղտնիք չէ, որ մարզերի բնակիչները մեծամասամբ նախընտրում են բուժում ստանալ Երևանի բժշկական կենտրոններում, և մտավախություն կա, որ ապահովագրության դեպքում այդ տենդենցն ավելի կաճի։ Անդրադառնալով այդ խնդրին` Խարազյանը տեղեկացրեց, որ այս փուլում դեռ քննարկվում է հարցը, թե ով որ ԲԿ–ներից կարող է օգտվել և ինչպես է որոշվելու դա։ Խարազյանը նշեց նաև, որ ամեն ինչ կարվի, որ բոլոր մարզային հիվանդանոցներում զարգանան հիմնական ծառայությունները։

Ֆուտբոլիստների ապահովագրություն, կամ ինչպես կանխել ողբերգական դեպքերն այս մարզաձևում

Նրա բնութագրմամբ` «լավ օրից չէ», որ մարզերի բնակիչները նախընտրում են երևանյան ԲԿ–ներ գալ ու նաև ապահովագրության բացակայությունն է պատճառը, որ նրանք կենտրոնանում են մայրաքաղաքի վրա։ «Ապահովագրական փաթեթում ներառվելու համար ԲԿ–ները պետք է համապատասխան մասնագետներով, տեխնիկայով ապահոված լինեն, ինչպես նաև մատուցվող ծառայությունների որակը բարձրացնեն»,–ասաց նա։

Հայաստանում գրիպի սեզոն է. ինչ է պետք անել չհիվանդանալու համար

Հիշեցնենք, որ պարտադիր առողջապահական ապահովագրական փաթեթը կներառի թերապևտիկ, մանկաբույժի, ընտանեկան բժշկի ծառայությունները, լաբորատոր հետազոտությունները, օնկոլոգիական ծառայությունները, սրտի վիրահատությունները, քիմիոթերապիան։

Ըստ թեմայի

Մարկոսյան. «Ժողովրդագրական իրավիճակի բարելավման խորհուրդն իրականացնելու է հստակ ծրագրեր»
Աղետալի ծախսեր, կամ ինչու պետք է առողջապահական հարկը պարտադիր լինի
Մարզամշակութային կենտրոնների մոտ 5000 աշխատակիցների աշխատավարձերը կբարձրանան
թեգերը:
բժիշկ, հիվանդանոց, հիվանդ, ՀՀ Առողջապահության նախարարություն, ապահովագրություն

Գլխավոր թեմաներ