ԵՂԱՆԱԿ, 15 դեկտեմբերի – Sputnik. Ջերմ եղանակին գումարվում են նաև արևի պայծառ շողերը։ Այս մասին Facebook-I իր էջում գրել է ՀՀ ԱԻՆ պետհիդրոմետ ծառայության պետ Գագիկ Սուրենյանը։
«Դեկտեմբերի 17-ից ջերմ եղանակին գումարվում է նաև արևի պայծառ շողերը ու լրիվ դառնում ենք Բաղդադ»,- գրել է նա:
Լուրը ուրախացրել է որոշ օգտատերերի և նրանք սկսել են հումորային գրառումներ անել Սուրենյանի գրառման տակ։
Հայաստանի որոշ հատվածներում ջերմաստիճանը կհասնի +20-ի. Գագիկ Սուրենյան
«Դեկտեմբերի 31-ի գիշերը կգաք հրապարակ ջրոցի խաղանք», «Սուրենյան ջան, այ տենց պուլտը արևի վրա գազ տված պահի ժողովրդի ձեռը փող չկա պագրիշկա փոխի, հազիվ նոր տարի անեն», «Էս եղանակն էլ ա հեղափոխություն արե՞լ»,- հրապարակմանը կից գրել են օգտատերերը։
Նշենք, որ օրեր առաջ Սուրենյանը հայտնել էր, որ նորմայից բարձր ջերմաստիճան է սպասվում ոչ միայն Հայաստանում, այլ նաև ողջ Եվրոպայում, Ռուսաստանի Եվրոպական մասում, Փոքր Ասիայում, Մերձավոր Արևելքում, Կովկասում։
