01:12 19 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46
Հասարակություն
Ստանալ կարճ հղումը
371 0 0

ՀՀ վարչապետը հիշեցրել է իր հանձնարարականներից մեկը, որը վերաբերում է Սևան–Երևան ճանապարհին գտնվող երկու հուշարձաններին։

ԵՐԵՎԱՆ, 25 օգոստոսի – Sputnik. Սևան-Երևան ճանապարհին գտնվող «Ճանապարհաշինարարներ» և «Արձագանք» քանդակների վերականգնման համար երկու մրցույթ է հայտարարվել, բայց երկուսն էլ չեն կայացել մասնակից չլինելու պատճառով։ Տեղեկությունը հայտնում է ՀՀ վարչապետ Նիկոլ Փաշինյանը։

«Երևի հիշում եք, որ կառավարության նիստում հանձնարարական էի տվել վերականգնել Հայաստանի մայրուղիներին հարակից մի շարք քանդակագործական ստեղծագործություններ: Դրանցից երկուսի՝ Սևան-Երևան մայրուղու վրա գտնվող «Ճանապարհաշինարարների» և «Արձագանքի» վերականգնման և հարակից տարածքների բարեկարգման համար կառավարությունը դեռ գարնանը հատկացրել է համապատասխանաբար 176 միլիոն և 76 միլիոն դրամ: Հունիս և հուլիս ամիսներին ԿԳՄՍ նախարարությունը հրապարակային մրցույթ է հայտարարել վերականգնման աշխատանքներն իրականացնող ընկերություն ընտրելու համար: Երկու մրցույթներն էլ չեն կայացել մասնակից չլինելու պատճառով»,– Facebook–ի իր էջում գրել է նա:

Վարչապետը նշել է, որ երեկ նախարարությունը երրորդ մրցույթն է հայտարարել:

«Հույս ունենք՝ այս անգամ մասնակիցներ և հաղթողներ կլինեն ու ոչ միայն մշակութային հարց կլուծվի, այլև տնտեսական»,– ընդգծել է նա։

Փաշինյանն ավելացրել է` կապիտալ այս ներդրումը ենթադրում է նաև նոր աշխատատեղեր:

Ի դեպ, Կոտայքի մարզպետարանն այս տարվա փետրվարի 25-ին հայտնել էր, որ քանդակների վերականգնման նախագծերի մրցույթում հաղթողներ եղել են, և հաղթող ընկերություններից «Ուրբան Յունիթի» նախագծով վերականգնվելու է «Արձագանքը», «Ակկուռատ գրուպի» նախագծով` «Ճանապարհաշինարարներ» քանդակը։ Մարզպետարանը նշել էր նաև, որ քանդակագործ Ռաֆայել Մանուկյանն ու ճարտարապետ Արա Ազիզյանը «Ճանապարհաշինարարներ» քանդակը վերականգնելու են «զրոյից»: Քանդակի մոտավորապես 90 տոկոսը չկա, մնացել է միայն մետաղական կմախքը: Կնոջ ֆիգուրից մոտ 20-25 տոկոս է պահպանվել։

«Արձագանքի» հեղինակը Խաչատուր Հակոբյանն է, «Ճանապարհաշինարարներինը»` Դավիթ Բեջանյանը։

Հիշեք այս խոսքերը, երբ հերթական անգամ անցնելու կլինեք Կասկադում պառկած ծխող կնոջ կողքով

Ըստ թեմայի

Հերոսների քարե վկաները. Հայրենականին նվիրված հուշարձաններ Հայաստանի տարածքում. ֆոտոշարք
Չաղմկող ժամացույցների դամբարանը, կամ ժամանակ, որը կանգ է առել…
Ավտոբուսների կանգառներ. հայկական «ճայը» կանադական լուսանկարչի աչքերով
թեգերը:
Նիկոլ Փաշինյան, Հուշարձան, Հայաստան

Գլխավոր թեմաներ