10:23 26 հունվարի 2021
Ուղիղ եթեր
  • USD518.36
  • GBP708.60
  • EUR629.39
  • RUB6.88
Հասարակություն
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (799)
177 0 0

Հայրենիքի փրկության շարժումը հայտարարել էր, որ այսօր 18։00-ից բողոքի գործողություններ է իրականացնելու Երևանի տարբեր հատվածներում։

ԵՐԵՎԱՆ, 25 դեկտեմբերի - Sputnik. Երևանում 18։00 մեկնարկել են ընդդիմության բողոքի ակցիաները։

Ընդդիմությունը փակել էր Բաղրամյան պողոտա– Պռոշյան փողոց խաչմերուկը։ Ոստիկանությունը ողջամիտ ժամկետ էր տրամադրել երթևեկելի հատվածն ազատելու համար։ Շուրջ 10 րոպե սպասելուց հետո իրավապահներն ուժի կիրառմամբ ընդդիմության ակցիայի մասնակիցներին դուս բերեցին փողոցից։

Ակցիայի մանակիցներն արձագանքեցին «Նիկոլ դավաճան», «Առանց Նիկոլ Հայաստան» վանկարկումներով։

Փողոցը բացելուց հետո բողոքի ակցիայի մասնակիցները անցան դիմացի մայթ, ապա վերադարձան նույն տեղը։ Այժմ նրանք մայթով շարունակում են բողոքի երթը։ Ոստիկանությունը բերման ենթարկեց ակցիայի կազմակերպիչներից մի քանիսին։

Հիշեցնենք` Հայրենիքի փրկության շարժումը հայտարարել էր, որ այսօր 18։00-ից բողոքի գործողություններ է իրականացնելու Երևանի տարբեր հատվածներում։

«Կոչ ենք անում հայրենիքի ապագայով մտահոգ յուրաքանչյուրին միանալ բողոքի ակցիաներին և ստիպել դավադիր իշխանություններին ներկայացնել հրաժարական»,– ասված է ընդդիմության տարածած հայտարարության մեջ։

Հավելենք, որ Հայաստանում բողոքի ակցիաները՝ վարչապետի հրաժարականի պահանջով, սկսվել են նոյեմբերի 9-ին Արցախում հրադադար հաստատելու վերաբերյալ եռակողմ հայտարարության ստորագրումից հետո։

Ընդդիմադիր կուսակցությունների նախաձեռնությամբ ստեղծվել է Հայրենիքի փրկության շարժում, որը վարչապետի միասնական թեկնածու ունի` Հանրային խորհրդի նախկին նախագահ Վազգեն Մանուկյանը։

Դեկտեմբերի 22–ից ընդդիմադիրները նստացույց են հայտարարել ու գիշերում են Հանրապետության հրապարակում տեղադրված վրաններում։

թեմա:
Իրադրությունը Հայաստանում և Արցախում հայտարարության ստորագրումից հետո (799)
թեգերը:
Երևան, ընդդիմություն, Բողոքի ակցիա

Գլխավոր թեմաներ