09:48 19 հունվարի 2021
Ուղիղ եթեր
  • USD522.19
  • GBP706.58
  • EUR629.92
  • RUB7.03
Հասարակություն
Ստանալ կարճ հղումը
103 0 0

ՀՀ առողջապահության նախարարի տեղակալ Գևորգ Սիմոնյանը հիշեցնում է, որ զինծառայողների բուժման հետ կապված բոլոր ծախսերը կատարվում են պետության կողմից՝ համաձայն կառավարության` 2016 թվականի ապրիլի 21–ին ընդունած որոշման:

ԵՐԵՎԱՆ, 5 հունվարի - Sputnik. Մարտական գործողությունների ընթացքում տուժած քաղաքացիների և զինծառայողների բուժօգնությունը, այդ թվում հետագա վերականգնողական բուժումը իրականացվել, իրականացվում և իրականացվելու է բացառապես անվճար` պետական պատվերի շրջանակներում: Facebook-ում նման արձանագրում է արել ՀՀ առողջապահության նախարարի տեղակալ Գևորգ Սիմոնյանը՝ անդրադառնալով սոցիալական կայքերում տարածում գտած դրամահավաքներին:

«Վերջին օրերի ընթացքում տարբեր աղբյուրներից տեղեկանում եմ, որ մարտական գործողությունների ժամանակ վիրավորում ստացած զինծառայողների արտերկիր տեղափոխման և արտերկրում բուժօգնությունը շարունակելու նպատակով սոցիալական ցանցերում դրամահավաքներ են կազմակերպվում»,- գրում է փոխնախարարը։

Սիմոնյանը նաև նշում է, որ Հայաստանի Հանրապետության տարածքում գործող բժշկական օգնություն և սպասարկում իրականացնող կազմակերպություններում բուժման ու հետազոտության անհնարինության դեպքում զինծառայողներին օտարերկրյա պետություններ ուղարկելու հետ կապված բոլոր ծախսերը ևս կատարվում են պետության կողմից՝ համաձայն 2016 թվականի ապրիլի 21–ին ընդունված կառավարության որոշման:

Երկրորդ մարտը` հանուն կյանքի. վիրավոր զինծառայողները ժպտում են ու պայքարում. տեսանյութ

Այսպիսով` Գևորգ Սիմոնյանը քաղաքացիներին կոչ է անում դրամահավաքներին մասնակցելուց առաջ խորապես ուսումնասիրել և հասկանալ դրանց նպատակները:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Անհետ կորածների, գերիների ու վիրավորների թվի մասին պաշտոնական տվյալներ չկան։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

Ըստ թեմայի

Վերականգնողական նոր կենտրոն կբացվի. Արսեն Թորոսյանը հայտնեց ազգային ծրագրի ստեղծման մասին
Վիրավոր զինծառայողների բուժման համար նոր վերականգնողական կենտրոն է անհրաժեշտ. Թորոսյան
Մշակվում է հաշմանդամություն ստացածների սոցիալ-վերականգնողական և ներառման ծրագիր. Բաթոյան
թեգերը:
Պատերազմ, Արցախ, դրամահավաք, Զինվոր, Վիրավոր

Գլխավոր թեմաներ