00:41 30 հուլիսի 2021
Ուղիղ եթեր
  • USD484.36
  • GBP675.63
  • EUR575.08
  • RUB6.62
Հասարակություն
Ստանալ կարճ հղումը
236 0 0

Ոստիկանության բարձրաստիճան պաշտոնյաների հետ բանավոր պայմանավորվածության համաձայն՝ կեսգիշերին ինքն ու Զաքարյանը գնացել են քրեական ոստիկանության գլխավոր վարչության շենք, մտել ներս և հայտնել, որ ինքնակամ ներկայացել են։

ԵՐԵՎԱՆ, 12 հուլիսի - Sputnik. Իրավապահ մարմիններին չի հետաքրքրում իրենց հեղինակությունը, Facebook-ի իր էջում գրել է փաստաբան, Մեղրի համայնքի արդեն նախկին ղեկավար Մխիթար Զաքարյանի պաշտպան Երեմ Սարգսյանը:

Նա, մասնավորապես, նշել է, որ ոստիկանության բարձրաստիճան պաշտոնյաների հետ բանավոր պայմանավորվածության համաձայն՝ կեսգիշերին ինքն ու Զաքարյանը գնացել են քրեական ոստիկանության գլխավոր վարչության շենք, մտել ներս և հայտնել, որ պայմանավորվածության համաձայն ինքնակամ ներկայացել են։

«Ոստիկանները ձևացրել են, թե իբրև տեղյակ չեն, թե ինչու ենք եկել և առաջարկել են սպասել, մինչև ճշտում կատարեն։ Այդ ընթացքում ժամանակ շահելով, ընդամենը մոտ 2-3 րոպե անց նույն ոստիկանության շենքի մեկ այլ մուտքից դուրս են եկել ոստիկանական 2 միկրոավտոբուսներ, դրանից դուրս են թափվել բազմաթիվ դիմակավորված և ինքնաձիգավոր անձինք, անօրինական կարգով և անհամաչափ ուժ ու բռնություն գործադրելով «առանձնապես վտանգավոր հանցագործ» Մխիթար Զաքարյանին պառկեցրել են գետնին՝ նկարահանել, որից հետո բռնությամբ ներս տարել, այդ ընթացքում խոչընդոտելով նաև փաստաբանների գործունեությանը»,-գրել է փաստաբանը։

Քաջարանի քաղաքապետ Մանվել Փարամազյանը 2 ամսով կալանավորվել է. փաստաբան

Նա հայտնել է նաև, որ հետագա գործողությունների ընթացքում պարզվել է, որ 2 օր է ոստիկանության աշխատակիցներն ակնհայտ անօրինական գործողություններով և կեղծիքներով հիմքեր են նախապատրաստել Մ․Զաքարյանին ձերբակալելու համար, «որպեսզի իրականացանեն այս խայտառակ մասկի-շոուն»։

Ոստիկանների անօրինական գործողությունների վերաբերյալ հանցագործության մասին հաղորդում է ներկայացվել։

Ըստ փաստաբանկ՝ ձերբակալման հիմքն այն ակնհայտ կեղծ տեղեկություններ են, թե իբրև ոստիկանության Մեղրիի բաժնի աշխատակիցները բազմաթիվ այցեր են կատարել Մխիթար Զաքարյանի տուն, սակայն դռները փակ լինելու պատճառով չեն կարողացել քննիչի մոտ ներկայանալու ծանուցագիր հանձնել։

«Իրականում ոստիկաները տեղեկացված են եղել, որ ընտանիքի անդամը հատուկ տանը սպասում է, որպեսզի հանձնեն ծանուցագիրը, խնդրել ենք՝ այդպիսին լինելու դեպքում այն հանձնել կամ տեղեկացնել դրա մասին։ Դիտավորյալ չեն հանձնել և չեն տեղեկացրել։

Պնդում եմ, որ այդ ծանուցագիրը հանձնելու անհնարինության մասին տեղեկություններն ակնհայտ կեղծ են, որոնց վերաբերյալ ունեմ անհերքելի ապացույցներ»-նշել է Երեմ Սարգսյանը։

Հիշեցնենք, որ հուլիսի 11-ին ՀՀ ԿԸՀ–ն բավարարել է դատախազության միջնորդությունը՝ Մեղրի համայնքի նախկին քաղաքապետ, «Հայաստան» դաշինքի պատգամավորության թեկնածու Մխիթար Զաքարյանի նկատմամբ քրեական հետապնդում հարուցելու ու նրան կալանավորելու թույլտվություն տալու մասին:

Ագվելի վաղ` հուլիսի 9–ին Մխիթար Զաքարյանը հրաժարական է տվել համայնքի ղեկավարի պաշտոնից։ Զաքարյանն ավելի վաղ նշել էր, որ ամենայն հավանականությամբ ինքը կգնա խորհրդարան։

Ըստ թեմայի

Չարչյանն այլևս «Իզմիրլյանի» տնօրենը չէ. 2 հիմքն էլ չկա, բայց նա դեռ կալանավորված է
Մալաթիա-Սեբաստիայում ընտրակաշառք են բաժանել. 2 մարդ կալանավորվել է
Քարահունջի գյուղապետին կալանավորել են
թեգերը:
Ձերբակալություն, Մեղրի, Մխիթար Զաքարյան

Գլխավոր թեմաներ