09:15 19 սեպտեմբերի 2019
Ուղիղ եթեր
  • USD476.22
  • GBP593.51
  • EUR526.22
  • RUB7.39
Սահակ Հովհաննիսյան

Սահակ Հովհաննիսյանն ու Շանթ Խաչատրյանը ըմբշամարտի աշխարհի առաջնության եզրափակիչում են

© Photo : Gevorg Ghazaryan / press office of the Wrestling Federation of Armenia
Սպորտ
Ստանալ կարճ հղումը
72 0 0

Եզրափակչում Հովհաննիսյանի մրցակիցը թուրք Քերեմ Քամալն է լինելու, իսկ Խաչատրյանի մրցակիցը` վրացի Գեորգի Շոթաձեն։

ԵՐԵՎԱՆ, 17 օգոստոսի — Sputnik. 60 կգ քաշային Սահակ Հովհաննիսյանն ու 67 կգ քաշային Շանթ Խաչատրյանն անցել են Էստոնիայի մայրաքաղաք Տալինում ընթացող աշխարհի առաջնության եզրափակիչ։

Այս մասին տեղեկացնում է ՀԱՕԿ մամուլի ծառայությունը։

Հովհաննիսյանը պայքարը սկսել էր որակավորման փուլից, որտեղ 9։0 հաշվով հաղթել է շվեյցարացի ըմբիշին։ 1/8-ում նա նույն հաշվով առավելության է հասել հնդիկ ըմբիշի նկատմամբ։

Քառորդ եզրափակչում Սահակի մրցակիցը 2019 թվականի Եվրոպայի առաջնության ոսկե մեդալակիր վրացի Դիեգո Չխիկվաձեն էր, որին նա 1։2 հաշվով զիջել էր ԵԱ-ի կիսաեզրափակչում։

Այստեղ հայ ըմբիշը 5։0 հաշվով վստահ հաղթանակ տարավ Չխիկվաձեի նկատմամբ և դուրս եկավ կիսաեզրափակիչ, որտեղ 6։0 հաշվով պարտության մատնեց ռուս ըմբիշին։ Եզրափակչում Հովհաննիսյանի մրցակիցը թուրք Քերեմ Քամալն է լինելու։

67 կգ քաշային Շանթ Խաչատրյանը ևս պայքարը սկսել էր 1/16-ից, որտեղ նա 9։0 հաշվով հաղթել է էստոնացի ըմբիշին։ Այնուհետև Խաչատրյանը 12։6 հաշվի ժամանակ տուշեով հաղթել է թունիսցի Մաաֆիին։ Քառորդ եզրափակչում Շանթը 8։3 հաշվով պարտության մատնեց մոլդովացի Պետիցին։ Կիսաեզրափակչում հայ ըմբիշը կամային և գեղեցիկ հաղթանակ տարավ թուրք Աբդուլ Բաշարի նկատմամբ։ Եզրափակչում Խաչատրյանի մրցակիցը վրացի Գեորգի Շոթաձեն է լինելու։

72 կգ քաշային Սամվել Գրիգորյանը մեկնարկային գոտեմարտում 2։5 հաշվով զիջեց ադրբեջանցի ըմբիշին։ Վերջինս հասավ եզրափակիչ և Գրիգորյանը հնարավորություն ստացավ շարունակել պայքարը բրոնզե մեդալի համար։ 82 կգ քաշային Կարեն Խաչատրյանը 1/16-ում 6։3 հաշվով հաղթեց Ֆինլադիայի ներկայացուցչին, այնուհետև 0։8 հաշվով պարտվեց իրանցի ըմբիշին։ Վերջինս պարտվեց կիսաեզրափակչում։ Խաչատրյանը չի շարունակի պայքարը։

Ըստ թեմայի

«Հայ» բասկետբոլիստները ջախջախել են ռուսաստանցիներին ու հաղթել են ԵԱՏՄ գավաթում
Հայտնի է` ովքեր են հաղթել ժայռամագլցման 2-րդ համահայկական բաց առաջնությունում
թեգերը:
հաղթանակ, սպորտ, Հայաստան, հայ

Գլխավոր թեմաներ