18:28 04 դեկտեմբերի 2020
Ուղիղ եթեր
  • USD511.25
  • GBP689.17
  • EUR622.14
  • RUB6.88
Տեսանյութեր

Պատերազմը Երևանում չէ, այլ Արցախում. կամավորները կոչ են անում սահման մեկնել

Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (624)
451 0 0

Առաջնագծում գտնվող մի շարք կամավորներ կոչով դիմել են այս պահին Երևանում բողոքի ակցիայի դուրս եկածներին։ Նրանք ասում են, որ պետք է Արցախ մեկնել ու այնտեղ ջարդ իրականացնել, այլ ոչ թե մայրաքաղաքում։

Պատերազմը Երևանում չէ, այլ Արցախում։ Եկեք Արցախ։ Համացանցում մի տեսանյութ է շրջանառվում, որտեղ նման կոչով են հանդես գալիս այս պահին առաջնագծում կանգնած կամավորները։

Նշենք, որ Երևանում բողոքի ակցիաներ են` ի պատասխան Նիկոլ Փաշինյանի` պատերազմը դադարեցնելու համաձայնագիր ստորագրելու որոշման։

«Ձեր կարիքն այստեղ ենք զգում ու համոզված եմ` այդտեղ լիքը կին կա, որ կարող է այդ գոռգոռոցն ապահովել։ Այստեղ շատ դժվար է, իսկ էդտեղ սնարյադի ձայն չկա, ԱԹՍ չկա։ Մեզ մոտ կան 60 տարեկան մարդիկ, որոնք եկել են կռվելու, որ դուք այդտեղ մեր հայրենիքը ջարդե՞ք»,–ասում է կամավորներից մեկը։

Մեկ ուրիշն էլ ասում է, որ ամոթ է, չի կարելի, նման քայլերին պետք է վերջ դնել ու արագ առաջնագիծ մեկնել, քանի որ այնտեղ է, որ նրանց կարիքը կա։

Մի կամավոր էլ ցույց է տալիս հետևում գտնվող սարերն ու ասում, որ եթե Երևանում հիմա ջարդուփշուր անողներն այդքան լավ տղա են, թող գնան Արցախ ու իր հետևում գտնվող սարերի մոտ ջարդ անեն։

«Մենք` երկու եղբայր, եկել ենք էստեղ, իսկ դուք ի՞նչ եք անում` Երևանում դուռ–ապակի եք ջարդում։ Ամոթ է»,–ասում է նա։

Ավելի վաղ հայտնի էր դարձել, որ ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար ծանր, չափազանց ծանր որոշում է կայացրել:

«Ռուսաստանի և Ադրբեջանի նախագահների հետ ղարաբաղյան պատերազմը ժամը 01.00-ից դադարեցնելու մասին հայտարարություն եմ ստորագրել: Հայտարարության տեքստը, որ արդեն հրապարակվել է, անասելի ցավոտ է անձամբ ինձ և մեր ժողովրդի համար»,–գրել էր Փաշինյանը:

Նա նշել էր, որ Ռուսաստանի և Ադրբեջանի նախագահների հետ ղարաբաղյան պատերազմը ժամը 01.00-ից դադարեցնելու մասին հայտարարություն է ստորագրել, շեշտելով, որ այդ որոշումը կայացրել է ռազմական իրադրության խորը վերլուծության և այդ իրադրությանն ամենալավ տիրապետող մարդկանց գնահատականի արդյունքում, նաև հիմնվելով այն համոզմունքի վրա, որ ստեղծված իրավիճակում սա հնարավոր ամենալավ հանգուցալուծումն է:

Փաշինյանի հայտարարությունից հետո բազմաթիվ մարդիկ հետիոտն ու ավտոմեքենաներով շարժվել են դեպի Հանրապետության հրապարակ, մի խումբ ներխուժել է կառավարության գլխավոր մասնաշենք ու վարչապետի աշխատասենյակ։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Կրակը դադարեցվում է. ինչի տակ են ստորագրել Փաշինյանը, Պուտինն ու Ալիևը

Նոյեմբերի 9-ի ժամը 10։30-ի դրությամբ` հայկական կողմից զոհվել են 1221 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

«Ո՞ւր է այդ...». քաղաքացիները ջարդել են դռներն ու մտել ՀՀ կառավարության շենք. տեսանյութ

թեմա:
Իրադրությունը Հայաստանում և Արցախում հայտարարության ստորագրումից հետո (624)

Ըստ թեմայի

Ինչքան կարելի էր «կռուտիտ լինել». Փաշինյանը` արցախյան բանակցությունների մասին
Ղարաբաղում Ռուսաստանի խաղաղապահ զորախումբը բաղկացած է լինելու 1960 զինծառայողներից. ՌԴ ՊՆ
ՀՀ պաշտպանության նախարարությունն անցնում է եռակողմ համաձայնության դրույթների կատարմանը
թեգերը:
տեսանյութ, կամավոր, Երևան, Արցախ

Այլ տեսանյութեր

Գլխավոր թեմաներ