14:56 22 ապրիլի 2021
Ուղիղ եթեր
  • USD522.23
  • GBP727.62
  • EUR626.94
  • RUB6.79
Տեսանյութեր

Խաղաղապահների աջակցությամբ Արցախում գյուղատնտեսական աշխատանքներ են սկսվել

Ստանալ կարճ հղումը
Խաղաղապահներն Արցախում (140)
110 0 0

Արցախցի խաղողագործները եղանակը տաքանալուց հետո առաջին անգամ աշխատանքի անցնելու հնարավորություն են ստացել։

Ռուս խաղաղապահներն Արցախում անցել են գյուղատնտեսական աշխատանքներին նախապատրաստվելու համար անվտանգության ապահովմանը: Տեղեկությունը հայտնում է ՌԴ ՊՆ մամուլի ծառայությունը։

Նշվում է, որ գյուղացիները սկսել են աշխատել Արցախի սահմանազատման գծի մոտ գտնվող հողատարածքներում։

«Ձեռք բերված եռակողմ պայմանավորվածությունների արդյունքում կողմերի տարանջատման գիծը հաճախ անցնում է գյուղատնտեսական հողերով։ Մենք այժմ գտնվում ենք նման խաղողի այգիներից մեկում, որտեղ սահմանազատման գիծը չի գերազանցում 20 մետրը», - ասել է Արցախում ռուսական խաղաղապահ զորակազմի պաշտոնական ներկայացուցիչ Դմիտրի Պերեպելկինը։

Նրա խոսքով՝ այժմ այստեղ սեզոնին նախապատրաստվելու ուղղությամբ գարնանային աշխատանքներ են ընթանում, աշխատանքների անցկացման գոտում իրավիճակը հանգիստ է:

 «Տարածաշրջանի խաղողագործները տարվա տաք եղանակը սկսվելուց հետո առաջին անգամ հնարավորություն են ստացել սկսել այգիներում անհրաժեշտ աշխատանքների իրականացումը»,-նշված է հաղորդագրության մեջ:

Ռուս խաղաղապահների աջակցությամբ մարտական գործողությունների հետևանքով տուժած շրջաններում շարունակվում է կենսական կարևորություն ունեցող ինժեներական հաղորդակցությունների վերականգնումը:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

թեմա:
Խաղաղապահներն Արցախում (140)

Ըստ թեմայի

Հայ ուխտավորներին ռուս խաղաղապահներն ուղեկցել են Ամարաս
Խաղաղապահները մոտ 25 հազար պայթուցիկ առարկա են վնասազերծել Ղարաբաղում. ՌԴ ՊՆ
Անհետ կորածների հարցով ռուս խաղաղապահներին 2500 արցախցի է դիմել
ՀԱՊԿ–ը փոփոխություն է կատարում խաղաղապահ ուժերին վերաբերող համաձայնագրում
թեգերը:
գյուղատնտեսություն, Արցախ, խաղաղապահ

Այլ տեսանյութեր

Գլխավոր թեմաներ