ԵՐԵՎԱՆ, 2 օգոստոսի — Sputnik. Հիշեցնենք, որ 5–ամյա Արամազդ Անդրեսյան կրտսերի դին իրավապահ մարմինները հայտնաբերել էին Կալիֆոռնիա նահանգի Կուչումա լճի մոտ։ Նրա սպանության մեջ մեղադրվում է հայրը` ԱՄՆ Կալիֆոռնիա նահանգի Փասադենա քաղաքի բնակիչ հայազգի Արամազդ Անդրեասյան ավագը։
35-ամյա Անդրեասյանի փաստաբան Ամբրոսիո Ռոդրիգեսը Los Angeles Times-ի հետ զրույցում նշել է, որ դատարանում Արամազդ Անդրեասյանը կընդունի իր մեղքը, այնտեղ համապատասխան հայտարարություն կարվի։
Հունիսի 23-ին դատարանը մեղադրանք էր առաջադրել Արամազդ Անդրեասյանին՝ ապրիլի 21-ին իր որդու՝ 5–ամյա Արամազդ Անդրեասյան կրտսերի սպանության մեջ կասկածանքով։ Փոքրիկի դին գտել էին անհետացումից 3 ամիս անց։ Հորը սպառնում է 25 տարվա ազատազրկում։
Ոստիկանության տվյալներով՝ Անդրեասյանը սպանել է որդուն, որպեսզի վրեժ լուծի իր նախկին կնոջից՝ Անա Էստեվեսից։ Զույգը ապահարզանի փուլում էր գտնվում։
